2008年5月1日(四) -- 又一傑作!

難得放假, 有閒情咪煮下飯仔囉.

今日既作品有粟米魚柳, 不過D雪藏魚柳好腥, 我又唔識點煮好, 唔係好好食.

節瓜紛絲雞肉, 有肉又有菜, 好味道! 呢個餸我阿媽以前成日整的, 今日諗起所以自己又試下整.

豬肉餅係上網睇食譜果陣得到既「靈感」, 算不過不失啦…

瑞士汁雞翼, 本來無諗住整, 不過見百佳特價, 六蚊四隻雞全翼, 咪買埋囉…

仲有個湯, 今次唔係買現成湯包啦~~