呢期成日收到好多e-mail, 話送免費facial, 所以我即管去試下.
我當然一直都有一兩間相熟既美容院做開, 亦知道果D所謂免費試做, 其實係氹佐你上去先, 然後游說你開course幫襯佢地. 說實在如果試做完出黎既效果係好既, 我都唔介意比錢幫襯佢地. 就好似我上次去康和堂試做完, 覺得效果唔錯, 所以就比錢開佐course勒.
今次去佐卓越既悅榕莊試做一個什麼香薰facial, 講真我一入到呢間美容院, 個感覺已經唔係太好, 再者果個專氹你比錢開course既所謂美容顧問, 又無笑容態度又麻麻; 幫我做facial果個美容師, 手勢又差, 按面按到我鬼死咁痛, 一D都唔舒服. 所以我試做完之後, 都無聽佢介紹就走佐勒.
另外想同大家講下我之前幫襯過一間叫DR SPA既美容院, 我覺得呢間野呃人又搵笨囉, 次次上去都叫你買呢樣買果樣(樣樣都過千銀); 一係就sell你做新機試新野(夠膽死有D做一次要幾千蚊), 不知所謂, 效果又唔係好(我試果D平均五, 六百蚊一次啦), D美容師手勢又麻麻... 個course做完之後我都無再幫襯勒.
沒有留言:
發佈留言