第二日一早我地先去佐青瓦台影相, 果度D交通警好型喎, 著晒緊身衫褲踩晒roller咁, 身型又高大, 有D仲幾靚仔添喎~ 個青瓦台無咩特別, 只能夠遠距離咁影張相.
跟住我地去「韓國傳統文化體驗」, 即係試整泡菜同埋著韓國傳統服裝影相. (旅行社單張又話有親睹製作及品嚐宮廷糕點, 都無既, 呃人...)
今日既lunch都係食火鍋, 配料主要係餃餃同埋豬肉片.
然後去Coex Mall購物, 不過我咩都無買. 嘗試打電話返黎比流沙包, 但係唔成功.
最後我地去佐樂天世界, 我地個團只係包入場, 要玩遊戲就要另外加錢買BIG-3或者BIG-5. 我同阿妹各自買BIG-5, 兩張票同阿爸阿媽4個人share用, 我帶佐佢地去睇4D電影, 然後我同個妹就繼續去玩機動遊戲. 由於其中一個遊戲個staff唔記得係我地張票釘窿窿, 所以我地總共玩到六個遊戲, yeah!! 個樂園都幾多人, 個個遊戲都要排長龍.
之後就返酒店休息lu~
2 則留言:
呵呵, 我都有去呢幾個地方, 俾個導遊呃左, 好晏至帶我地去, 時間又唔夠, 又多人排隊, 所以只玩左2個想玩既game(法老王和室內過山車), 其他沒時間所以只好選沒人排隊果d~
[版主回覆04/28/2008 18:51:00]咁咪嘥佐一個game玩唔到?? 我都有玩室內過山車呀~
用左黎坐旋轉木馬呀, 死未?
室內過山車最好玩, 法老王就好抵玩~ (坐得耐又有野睇下, 前面既路又估唔到, 仲影埋你相)
[版主回覆04/29/2008 12:34:00]我見到連旋轉木馬都要排隊呀...
我無玩法老王呀. 玩佐兩個室外, 四個室內.
發佈留言