話說今日流沙包本來又要去教波, 但係我今日實在忍唔住發佐一次好勁既脾氣, 明明之前問佐佢復活節有咩野做, 佢又話無. 等到臨放假前我再問佢, 佢先至話果日要去教波, 呢日又要去教波...
平時佢放假都要出去教波帶隊果D我都忍勒, 但係復活節咁多日都無一日陪過我出去, 我真係唔多高興. 流沙包見我咁既款, 都無去教波勒(佢呢D義務性質既教練, 隊波教黎教去又唔見有咩進步咁...).
於是流沙包就同我去佐馬灣行下. 自從睇過《最美麗的第七天》後, 我成日話不如搬入珀麗灣囉, 因為環境好似好清幽好靚咁. 今日終於親身入到去, 交通實在唔多方便喎, 又唔可以揸車, 要坐巴士或者搭船.
環境係幾靚既, 有海有沙灘有橋有花有草, 但係如果真係搬入去住, 我覺得會幾悶. 我平時悶悶地都可以落街行下睇下野行下shop; 但係如果搬入珀麗灣, 行黎行去都係果個島, 要shopping就要落青衣, 葵芳咁... 好似唔係太方便喎.
我今日同流沙包行下馬灣公園, 影下相. 之後我自己就出佐尖沙咀同朋友食飯勒.
2 則留言:
若住珀麗灣可以去東涌東薈城, 個度好多 outlet呢. 不過, 你住個頭都唔錯呀, 環境清靜.
[版主回覆04/05/2008 08:42:00]不過車費好貴呀, 我地走果陣搭巴士出青衣, 好似要五蚊定七蚊...
咁又係, 車費唔平. 哈, 最尾張相好搞笑, 后面隻青蛙好似唔知响邊度竄出黎咁 , 然后 發現左一只好可愛既 Keroppi.
[版主回覆04/06/2008 22:41:00]哈哈, 係呀, 我地專登係兩青蛙黎個合照架~~
發佈留言