呢排完全係忙到無停手, 我連日記都好耐無update過:
今日我上佐大陸廠, 鬼叫上面班人又整佐D麻煩野出野, 所以今日要上去開會. 個會就開佐一陣0者, 但係我上到去都仲要執埋D係香港未完成既手尾, 最慘係上面唔係自己地頭, 電腦又慢, 開個MAIL都要幾分鐘, 有時仲要hang埋機, scan完野又唔似香港直接send去mail, 要去個唔知邊度既server搵番落黎, 電話又打唔到, 打得通時又話lunchtime, 一係就對方唔係位搵佢唔到... 總之就係好鬼?!! 個個都問我仲咩星期五上去, 話過關好多人架, 其實我夠知星期五要出貨, 我自己係香港都鬼死咁忙啦, 因為今日要返大陸既關係, 我尋晚要加班到夜晚十二點半先走得呀!!! 但我老細話星期五方便佢麻, 結果我今日係上面都係忙到??轉. 本來上大陸可以三點幾四點就返落黎香港, 但係我到四點鐘都解決唔晒D問題, 好驚五點都走唔到, 因為大陸廠五點就放工, 到時無理由得番我一個係上面掛??? 同埋五點可以跟佢地廠車走麻. 幾經辛苦先趕得切剛剛好五點搞掂晒D野...
上到車, 公路又塞車, 星期五過關又多人, 最後七點幾先返到黎香港! 我本來諗住如果順順利利開完會三點左右就走架麻, 而家搞到七點先返到落黎...
沒有留言:
發佈留言