2011年12月27日(二) -- 柬埔寨越南6天之旅: Day 5 part 3 古芝地道

行完紀念品商店, 我地就去食飯, 今日食飯既餐廳幾特別, 果度有一個幾大既花園, 我見好多人喺果度影結婚相架.

 

 

令我諗起飛圖時代果D MTV添…:

今日既lunch係越式風味餐, 有特色炸糯米飯, 蔗蝦, 越式酸湯等.

食完飯, 我地要搭個零鐘頭車, 出發去古芝地道. 古芝地道係當年同美軍打游擊既根據地,  當時既游擊隊就喺地下挖掘地道, 佢地就係地道裏面生活.

 

當時地道既出入口只有一張A4紙咁大既size, 為咗令遊人可以感受一下, 有一D專for遊客出入既假出入口(size比當時大咗少少架啦), 同埋有一小段地道可以比你落去試吓行.

為咗可以讓身形比較高大/肥胖既外籍人士都可以落地道感受吓, 所以條地道已經專登整闊咗同整高咗架啦, 但仍然要烏低身或者好似鴨仔咁踎喺度行, 所以雖然我只係行咗短短三十米, 但係已經行到索晒氣.


呢個係地道用黎通風既氣孔:

 

用廢棄車軚造既拖鞋:

 

當時所設計既陷阱:

今晚既晚餐係越式地道美食, 有柚子沙律, 燒蜆, 串燒豬肉檬粉, 春卷之類. 食既地方係酒店頂樓既餐廳, 又可以睇吓夜景, 都算係咁啦~~

 

 

食完飯無幾耐, 我地同另外兩個團友出酒店行咗陣, 發現原來酒店隔離有間超市,
即刻入去睇吓有無野掃啦~

 

我地買咗D腰果椰子糖, 少少糖果, 同埋我買咗一支酸奶(即係乳酪奶), 我喺日本果陣,
乳酪奶係雪櫃不可或缺既成員之一, 返到黎香港, 喺香港超市無得賣(我知日式超市有得賣, 成舊水一支,
買唔落手囉), 唯有去到外地買黎飲. (以前喺舊公司, 間中要上深圳出job, 都會間中去深圳D超市買酸奶既, 但對品質方面始終唔放心囉)

 

買完野返酒店抖一陣, 我地再出發, 今晚又有自費節目, 係宵夜海鮮餐, 好似HK$2XX一位,
有即叫即燒大頭蝦, 法式包配酸子蟹, 炭燒青口, 軟殼蟹等等.

 

 

同場竟然有團友叫咗鴨仔蛋食…