2011年12月26日(一) -- 柬埔寨越南6天之旅: Day 4 part 1 戰爭博物館, 吳哥國 家博物館

第四日, 將會出發往越南. 今日唔駛咁早起身, 所以流沙包可以享用酒店泳池, 我就當然喺房度繼續訓啦.
 

今日朝早先去咗自費既戰爭博物館(US$12), 裏面展示當年戰爭時所用過既戰機, 坦克車, 大炮, 地雷, 機關槍, 手榴彈等等.

 

 

其實我就唔係好鍾意參觀呢類咁既所謂戰爭博物館(亦好討厭睇戰爭片/打打殺殺既電影), 唔明人類點解竟然可以製造一D咁殘忍既武器出黎對付同類, 戰爭完結後起個博物館出黎, 但係人類依然唔會吸取前人教訓, 呢個世界戰事依然不斷.

最最奇怪係遊人參觀呢類博物館, 會笑口”西西”咁同架坦克合照, 或者拎住支機關槍望住鏡頭笑住咁影相, 我就真係好唔明佢地影呢D相係咩心態囉… 當年都唔知有幾多人死喺呢D殺人武器底下, 我地後人唔係應該要嚴肅咁反省下反思下既咩? 但現代人竟然可以當玩咁拎住呢D殺人武器笑笑口咁影相留念… 我就真係做唔出, 所以去親呢D地方, 我一定唔會同任何野合照. (講到自己好似唔係人類咁, 我太”吟沉”, sorry)

 

離開戰爭博物館, 我地下一站去到吳哥國家博物館, 展館裏面唔比影相, 不過其實都無咩好影, 因為每一個展館都係果D佛像呀, 佛頭呀, 咁囉… 無咩好睇, 好悶…