離開吳哥國家博物館之後, 我地去食lunch, 依然係中餐, 好悶, 因為每一餐中餐都係果幾款餸菜…
食完飯, 離開柬埔寨前, 我地去到一個咩野絲織雕刻中心, 果度當然唔少得有間紀念品商店, 我地當然例牌咩野都無買啦~~ 
跟住我地就出發去機場啦, 我地3點9去到機場, 會搭當地下午5點半既班機飛往越南胡志明市. 上機前行吓無咩商店既機場, 呆坐兩粒鐘先等到上機.
都係果句, 個機場好細, 亦都無咩飛機, 成個機場跑道當時好似只係得兩架飛機喺度, 我地由機場大樓直接行出去跑道上機.
上到機食個包, 一個鐘左右就去到越南, 越南比柬埔寨當然繁華好多啦, 但係我都係鍾意柬埔寨既純樸同當地人既純真.
去到越南, 一上車, 當地導遊就叮囑我地要小心財物, 因為當地好多電單車黨通街搶手袋, 叫我地如果夜晚自己出酒店行, 最好唔好揹袋, 減少比人落手搶野既機會, 講到真係好恐怖咁…
我地喺越南住既酒店話係五星級架喎, 但講真我唔覺得間酒店五星級得去邊囉… 我地間房已經喺executive floor, 但係房間好細, 又無wifi上唔到網喎, 要上網的話要去酒店頂樓既bar或者餐廳先得.
今晚又係食自助餐, 真係食到人都癲, 到今日為止只係第4日行程, 我地已經食第3餐自助餐喇…
2 則留言:
見識吓都好開心嘅,有得遊埠喎,幾好呀.........
[版主回覆02/07/2012 12:46:34]係架, 唔駛返工又有得去玩, 要充吓電架麻.
食自助餐都好過帶係食埋d把鬼中菜呀.
[版主回覆03/02/2012 12:02:18]基本上都已經食到無咩胃口...
發佈留言