尋晚開始已經有D唔舒服, 今朝起身仍然無好轉, 不過點都要返工.
上午去佐公司附近睇醫生, 有D發燒.
放工後本來想早D返屋企抖下, 但今晚係我一個好好既中學同學結婚, 而且個新娘亦都係我中學同學, 所以今晚呢餐我點都要出席.
好彩到佐夜晚好似有少少好轉, 所以飲宴上都無人知道我唔舒服.
今晚結婚呢對中學同學, 佢地係畢佐業幾年之後先開始拍拖, 拍佐幾年就結婚勒, 我真係好戥佢地開心呀~~ 祝佢地白頭到老, 永結同心.
同埋新郎佢真係好有心思, 之前佢地拍拖, 佢比女友既驚喜行動我都略知一二, 我淨係聽到都覺得好感動.
今晚新郎竟然表演拉小提琴呀, 佢係完全無學過樂器架喎, 佢苦練佐九個月, 然後今晚就比新娘同大家一個驚喜.
如果我係新娘一定超開心超感動呀~~ 好感受得到新郎對新娘既愛同埋心意.
飲完之後, 流沙包知我唔舒服, 佢係黃大仙做完野後, 專登過黎九龍灣接我返屋企. 返到元朗我地諗住搭的士返屋企, 由於我唔舒服, 天氣又凍, 已經好辛苦. 仲要見住D賤人走晒去前面截的士, 流沙包一架的士都截唔到, 然後我就港女上身咁發晒脾氣, 真係好對唔住流沙包呀... 我成日同自己講要控制下D臭脾氣, 但結果小小事就黑晒面發晒火, 真係對唔住呀.
3 則留言:
唔舒服真係慘....小心身體呀! 我無咩聽過新郎哥啲浪漫野喎....例如有咩呀? 不過佢表演真係好impressive，我見新娘都喊晒架....見到佢倆咁sweet，我都好戥佢地開心呀 ~
[版主回覆03/30/2009 12:48:00]佢地既浪漫野要佢地現身說法先好既~
但真係無諗到新郎會表演拉小提琴~
以前睇佢個樣又唔似係咁surprise的人喎.哦..估不到今次你地又去呢個場添...哈...會不會去到悶呢?!? 我想問你覺得d野得唔得呀?d音響ok or not? hee...都未問你會不會不舒服就問你呢樣野添..HAHAAA
[版主回覆04/01/2009 12:45:00]d野食都ok呀, 不過覺得乳豬有少少腍, 同埋條魚有少少韌.
音響, 我覺得都ok呀.
又唔會去到悶, 每次去都係唔同既人唔同既氣氛架麻~
Thank you r!因為呢間唔係出名酒樓.都怕唔好....:)
發佈留言