歌德(美式)餐廳酒吧 -- 個日式手卷薄餅好食喎~

地址: 旺角通菜街1A -1L時尚廣場1樓

電話: 3678 3368

歌德餐廳, 係我仲係學生時代果陣覺得係一間好好食既餐廳.

 

人大佐, 錢多佐, 試既野又多佐, 覺得歌德餐廳都係普普通通啫, 所以我已經N年無去過.

 

某晚同流沙包係旺角都唔知食乜好, 經過條街有人落力宣傳, 於是就去佐歌德餐廳勒.

 

環境都唔錯, 係暗佐少少. 我地叫佐個日式雞肉手卷薄餅, 意外地勁好食, 熱辣辣, D醬汁夠入味, 唯一唔好係食到成手油. 另外D薯條係新鮮熱辣炸起架, 好好味!!

 

另外我地仲order佐個晚餐雜扒, 都OK啦~

 

估唔到呢餐飯令我對歌德餐廳有所改觀喎~