我覺得, 要數對社會最無貢獻的工作, 娛樂記者可說是其中之一.
早前李嘉欣結婚, 有D娛記真係超無聊, 話根據清朝既乜鬼秘典, 如果佢地要製造小朋友, 就一定要係四日內成事, 否則就要等多幾個月之類既"報導"(我無留意呢單所謂娛樂新聞, 係某日咁啱轉過去有線A台睇到呢單報導). 嘩, 大佬呀, 你有無白痴無聊兼低能D呀? D咁既記者, 浪費時間作埋D咁既弱智新聞, 如果可以將D時間花係其他事情上, 對社會係咪有貢獻得多呢? 呢D咁既記者, 覺唔覺得自己係度虛度緊青春?
我每日都會拎頭條日報同AM730睇, 娛樂版我通常"立"下就算, 記得早前訪問熊黛林, 好似問佢關於對性既睇法, 竟然有記者反問佢:"咁你係咪破佐處?". 大佬呀, 人地破唔破佐處關你叉事咩? 而且我諗讀者都唔會咁白痴, 認為熊小姐仲會係處女吓麻?
然後尋日睇見倪震偷食既新聞, 話佢06年氹掂周慧敏加埋倪震個名落自己間公司, 間公司擁有兩層物業, 變相分佐一半業權比佢. 我睇下報紙登出黎既AR1...
大佬呀, 唔識野就唔該你讀多幾年書, 或者問吓人. 你登出黎果版係公司董事既資料, 唔係公司股東既資料呀! 公司股東既資料你應該搵第3頁呀. 你知唔知董事同股東既分別呀? 你唔係盲舂舂係董事果欄見到倪震個名就以為佢擁有佐間公司呀?
公司股東資料係第三頁:
公司董事資料係第五頁(亦即白痴記者刊登出黎果頁):
4 則留言:
其實我都覺得佢地好無聊下，雖然我認為倪震好賤，同埋周慧敏應該早啲飛佢....不過都係佢地既事，外人又唔應該咁多事... 熊黛林仲無聊，成日自己講野搏見報。似乎樂基兒最好囉，一啲都唔高調，正常啲。
[版主回覆12/13/2008 10:27:00]倪震係一個點樣既人, 我諗周小姐已經一早清楚. 我覺得呢個如果係佢地既相處方式, D記者就真係太多事.
廿幾三十歳既女性仲係處女有幾出奇!? 我覺得vivian太鍾意倪震,今次分手她都喜情非得已,可能好快又係返埋一起
[版主回覆12/13/2008 10:25:00]唔出奇, 我相信一定有. 我意思係APPLY係熊小姐身上就無乜可能.
唉.....才子佳人沒有了.....不過都好既.....偽君子唔可以再扮哂好男朋友咁去呃哂我地香港既市民
[版主回覆12/16/2008 09:03:00]倪震... 我都唔知佢算唔算得上做"才子"...
我好贊同墨魚燒賣的意見，V小姐一定知道倪(偽)君的風流性格。 總之一句，賤MAN。
[版主回覆12/16/2008 09:06:00]我淨係希望d記者唔好再炒作落去...
發佈留言