今日試下食中式早餐, 但原來都係西式早餐好食D.
今日第一站去買出名既鳯梨酥, 旅遊書話10點開門, 但係原來10點半先開, 於是我地係M記坐下先(因為有團友未食早餐). 買完野先返酒店check out, 然後再去中正紀念堂.
今日仍然有落雨, 好討厭. 中正紀念堂我之前已經黎過了, 唯一唔同既係而家改佐名叫自由廣場囉, 我地影下相, 逗留佐一陣就走勒.
台灣行程既最後一站係西門町, 我係果度食佐排骨面,阿宗面線, 同超熱氣點醬薯條, 跟住就周圍行下. 我覺得西門町其實無咩特別野好行, 我地大約點幾鐘去到西門町, 跟住大家約實三點半集合. 我同流沙包係西門町係咁漫無目的地行黎行去, 我地又無咩野要買, D 0靚妹仔飾物衣著又唔啱我睇, 結果有時候一條街來回行幾次, 最後攰到頂唔順索性係M記坐到夠鐘算數.
之後我地就返酒店出發去機場(因為我地人多, 所以book佐酒店車直接去機場, share番都唔係好貴, 唔駛煩).
係機場食下野, 行下, 打下機, 咁就完佐3日既台北之旅lu...
第二日仲要返工返學呀, shxt!!
3 則留言:
好懷念台灣添俾你攪到
[版主回覆11/06/2008 13:40:00]你都應該去下旅行放下假啦~
李記 d太陽餅又係好好味 ga!
[版主回覆11/11/2008 22:40:00]唉呀, 我地淨係買佐鳳梨酥咋... 錯過佐...
你地好似去得好少地方嘅，我今年四月份復活節後一日去，四個人都係
買酒店連機票去台北玩呀 我地一落机又係落雨 因為我地住係西門
町，所以自已坐巴士入台北 好彩一落車就冇落雨重開始出太陽
我地去咗三個夜市，饒河街，士林同淡水，明勝地方有九份，中正紀念
堂，總統府，忠烈祠，國父紀念館，101大厦，四日三晚真係由朝早食到
夜晚，行到脚仔都軟 不過去台灣行吓街又係唔錯嘅
[版主回覆12/05/2009 21:18:00]因為其實呢次去台北, 目的唔係去旅行, 而係想成班FRIENDS可以一齊出門玩吓. 台北其實我已經去過架啦, 對台灣亦無咩興趣. 所以我地既行程好輕鬆, 無PLAN好多要去既地方~~
發佈留言