今日年初二, 一朝早又要出奶奶度食開年飯, 跟住奶奶, 我姑仔同叔仔等人就黎我地屋企拜年, 活動不外乎都係玩啤牌. D賀年禮盒就好似玩交換禮物咁, 我送盒金莎比你, 你又送番盒樂家杏仁糖比我, 我覺得係好嘥錢無聊囉, 既然要互送, 不如做offset咁大家都唔駛送咪仲好. (另外說實在我唔會買金莎, 什麼藍罐曲奇呢類收到膩兼毫無新意既禮盒比人囉. 我今年係去SOGO地庫買日本禮盒囉)
玩到咁上下就出街食飯, 佢地話要食日本野, 幾艱難先搵到間有開門既. 八個人食, 食佐成千銀, 要我地埋單. 所以我都話出年寧願花D錢去旅行好過!
1 則留言:
咁又唔好咁諗，一家人開開心心食飯，用多少少錢都值得的
[版主回覆04/04/2008 19:28:00]我明白, 但係.... 有時有d野好似老馮咁, 感覺不太好...
發佈留言