紅樓 -- 呃錢的大閘蟹套餐...

地址: 銅鑼灣羅素街8號3樓
電話: 2893-6388

又係一年一度食大閘蟹既日子, 由於上年去佐東海食, 所以今年想試下第二間, 上網同睇雜誌搵佐D資料, 本來想去鴻星, 但一人三隻蟹又好似多得濟, 拆都拆到手軟啦, 所以最後去佐雜誌介紹既呢間紅樓.

個餐都有幾多款菜色, 先係前菜, 有D醃過既酸酸蘿蔔, 有D類似菜乾咁既野, 同埋鵝.

跟住有個蟹粉羮, 都算好食既.

之後上個河蝦, 細細粒, 味道一般.

然後就上大閘蟹啦, 每人一隻. 上果陣, 我打佐個突: 吓? 乜咁細隻既? 唔係化? 得半隻手掌咁大咋... 頂, 好失望呀! 個staff有問我地需唔需要幫手拆, 所以隻蟹就交比佢拆勒. 但佢拆完之後其實好快就凍, 唔係太好食囉, 同埋真係太細隻啦...

大閘蟹唔得, 其他菜色我都唔想講啦.

總言之, 兩個人埋單六百八十幾蚊, 食個咁既大閘蟹餐... 早知去鴻星啦!!

超唔抵食呀!!