地址: 元朗教育路63-69號福照樓地下2-3號店
電話: 2477-0678
屋企附近新開佐間意大利餐廳, 上兩個星期六晚終於有機會去試下. 我地叫佐個鵝肝, 一個大蝦意粉, 一個pizza, 同一個心太軟.
先講個鵝肝, 我唔知佢係買埋D低劣平價鵝肝定係佢煮法有問題, 雖然size好大舊, 但係一切落去就變佐一pat野, 爛溶溶, 味道唔駛講, 有陣腥味, 同埋個感覺都唔係入口即溶, 總之就係超唔掂.
個意粉, 少少辣, 味道都OK既.
Pizza都OK.
最後個甜品, 又係不知所謂, 我唔知佢係焗定好多擺係度定攤佐係度太耐, 唔熱囉, 最離譜係裏面既朱古力醬已經凝固佐, 流都無流到出黎, 呢個咁既朱古力軟心布甸, 令人失望.
同埋呢度D service, 一D都唔專業, 無禮貌啦, 無笑容啦, 唔得醒目啦, 總言之就係服務唔得啦!
講真荃灣既分店我地都有去過, 都無咁差既. 元朗呢間既質素真係差到嚇死你.
咁當然, 如果你但求大眾化價錢去食一餐所謂既意大利餐, 就唔可以咁高要求架啦.
但我會prefer去番D有質素即使價錢貴少少既餐廳囉...
3 則留言:
我都去過荃灣果間OLIVA，覺得ｄ食物算ｏｋ，我尋晚先去食過，我就嫌佢果ｄ送既法飽唔夠新鮮，不過為咗食ｄ醋，唯有照食．我地尋晚食咗蝦多士，羊肉印度餅，南瓜汁雞肉車輪粉同埋兩個西洋菜忌廉湯．不過ｄ侍應既水平就真係唔係好掂，一ｄ都唔覺入咗間意大利餐廳．．．．．
[版主回覆12/16/2007 12:33:00]我見荃灣果間都幾多人等架喎...
我仲未試過呢間呀,仲以為唔錯添~~
[版主回覆12/16/2007 12:33:00]唔... 可能我要求高啦...
介唔介意透露價錢？ 通常呢類不在市區的餐廳，都預左服務不週，不過食物質素咁低又真係比較少見。尤其是個心太軟，竟然唔熱，真係白痴都整得好過佢。 以我所知，價錢比較平又好食（又唔介意服務水準的），大埔有一間。間野好偏僻，係車房同棺材舖附近，不過真係整得幾好食。 喜歡吃西餐的人上
[版主回覆12/16/2007 12:34:00]價錢呀? 埋單好似三百幾掛...? 唔係好記得lu... 因為老公比錢
發佈留言