而家呢間公司會請我主要係因為我識日文, 我呢個post全間公司得兩個, 除佐我之外就係阿Ken, 計埋GM在內, 全間公司得我地3個local staff識日文. 但係上星期四就係阿Ken既last day, 佢既走對我既打擊係非常非常之大. 除佐日本人同GM之外, 全間公司有關日文既工作唔係我做就係佢做, 佢走佐之後即係所有同日文有關既野, 包括同客聯絡, 同客去銀行開戶口, 同客開會... 等等等等都會落係我身上. 更加上另外一個日本人由十月開始放產假放到出年, 佢既客亦都大部份pass比我跟, 可想而知我呢幾個月會有幾咁忙.
說實在我唔捨得阿Ken走當然唔係因為佢走佐令我多佐野做, 而係我覺得我同佢可以夾得到, 你知係工作上可以同對方夾得到係幾咁幾咁難既事先得架, 更可況我地係同post, 如果將來上位都係我同佢之爭, 但我地竟然唔係competitor, 而係partner, 你話幾咁難得呢?? (雖然我唔知阿Ken係咪一樣咁諗...) 佢真係一個好好既同事, 有責任感, 肯承擔, 教佐我好多野, 有問題發生時, 佢唔會好似我以前係TDK D狗人咁淨係識閃識卸膊不聞不問, 阿Ken佢會諗方法去解決, 唔會將問題/工作推係其他人身上. (我覺得佢算係筍盤黎架, HKU畢業, 日文勁, 又夠高大, 靚唔靚仔就見仁見智啦, 有無人想搵男朋友? 諗得過架~)
同埋佢本身真係好出色, 日文好唔在講, 又玩得, 同佢一齊做野真係幾開心, 唔似某某係IVE出黎既同事我真係比佢吹脹. 所以知道阿Ken要走, 我唔開心佐成個月, 更加上佢既離開其實唔多唔少都同我有關. 但事到如今, 我唯有衷心祝福佢會有更美好前程. 阿Ken, 對唔住呀, 希望你將來會遇到一個好上司, 一間好公司, 一條光明既前路.
而我呢一日OT到十點幾先走呀, 嗚...
沒有留言:
發佈留言