上星期六同流沙包去佐科學館, 其實每隔一兩年我都會黎科學館一次, 因為我覺得科學館算係最多野玩, 一玩就大半日, 幾化算架~
今次去到裏面無咩人, 玩D咩都唔駛排隊. 我記得上次去係星期三免費入場, 仲要撞正係學校假期, 果次去成個科學館都係人, 連入場都要排隊, 所以上次去都未玩晒.
今次去咁啱有個恐龍展《飛龍在天》, 我地係科學館都玩佐好耐, 行到好攰呀~
有樣野想講既係, 科學館最上面果層係講環保, 節約既topic, 但係係果層既小食店就全部用即棄碗碟食具, 係咪好諷刺呢? 擺到明剃你眼眉啫...
之後我地落佐旺角, 流沙包神神秘秘咁話去攞D野, 原來佢訂佐張Keroppi櫈比我, 而家先有貨可以去拎, 呵呵呵, 好開心呀!! 多謝流沙包~
然後我地就去佐蒜頭屋食飯勒~~
沒有留言:
發佈留言