地址: 屯門屯隆街1號錦華商場2樓206-208號舖
電話: 2430-9798
重陽節果日睇完戲行完街就去食飯, 講真我都唔知屯門有咩好食, 因為我認為屯門係無好野食的. 行過見到呢間Red Cafe, 諗住未試過就即管試下啦. 入到去先知原來又係椰林閣集團既!?? 頂呀! 如果一早知係椰林閣我就一定唔會入黎啦! 係我心目中, 椰林閣只係學生先會去食既cheap cheap餐廳, 同埋服務一向係差到離晒譜, 我以前幫襯椰林閣都唔知受過幾多氣. 而家我有錢食餐好既我仲要去幫襯椰林閣?!! 哼!!!
但既然比佢個名呃佐入佐餐廳就費事轉頭又走人, 死死地氣坐低叫佐個二人餐, 有個意粉同薄餅, 雖然話係薄餅, 但我覺得係薄脆囉, 佢個底只係一塊好薄既趣卜卜.
味道... OK啦. 不過只要佢係椰林閣既, 我就無咩野想講...
重陽節要一朝早起身拜山, 唔係自己屋企果邊喎, 係流沙包屋企果邊喎... 又話約十點, 十點半都未見有人...
拜完山飲完茶我地就係屯門睇色戒, 好平呀, 只係$35咋, 差唔多比出面平一半~~ 我認我係有少少比果三場情慾戲吸引去睇, 不過睇完覺得果三場情慾戲, 其實有無需要呢...? 佩服湯唯佢三點盡露~~
地址: 鯉魚門海傍道中58A
電話: 2727-4628
上星期四晚同D日本客去鯉魚門食飯, 呢度環境企理, 不過食物就唔掂. 我地叫佐個白灼蝦, 蒸魚, 椒鹽瀨尿蝦, 豉椒"司奄", 粉絲扇貝, 兩個菜.
第一道白灼蝦已經唔掂, 蝦又細隻, 顏色唔係光鮮既橙色, 而係有D暗粉紅色咁, 食落唔覺得新鮮囉, 我同事仲話食到一隻係霉既添喎.
個粉絲扇貝, 粉絲得少少, 粒帶子韌韌地既, 唔太好食.
條魚OK既, 我覺得最好食係條魚囉.
瀨尿蝦, 普普通通.
個"司奄"又係唔掂, 好韌呀, 同埋D汁都炒得唔好味.
我地五個人, 海鮮已經買佐九百幾蚊, 成餐飯埋單要千七蚊, 即平均每人要三百幾蚊, 痴線架~ 咁既價錢我去流浮山, 三聖果度食, 已經食到捧住個肚好滿足咁走啦~ 鯉魚門呢度? 唔係好飽, 兼且一D都唔滿足囉...
但鬼叫呢度專做遊客生意咩, 仲要比人知道你係日本人, 仲唔掠你咩~?
上星期二放工去佐尖沙咀做facial, 做完返屋企樓下百佳睇下有咩野食可以做今晚晚餐同聽日既lunch. 我成日去睇下有無D就黎過期特價食品, 今次買佐盒聽晚就過期既水餃, 原價十幾, 現特價$6, 一陣返屋企煮黎食.
跟住又買佐舊就過期既咖喱荷葉飯, 本來$9.9, 特價幾蚊, 要黎做聽日既lunch. 同埋買佐盒鹹魚雞粒叮叮飯, 原價十六個幾, 特價$8.5, 將會係我後日既lunch.
應該讚自己精打細算, 成日夜晚去百佳候果D快過期既特價食品, 抵好多; 定係話自己折墮, 成架購物車都係呢類特價貨, 搞到好似我攞綜援好窮咁...
上星期一晚係公司上完堂之後, 同GM同兩個同事去佐食飯. 食物質素OK, 不過份量少佐D, 尤其是個意粉, 兩三啖就食得完咁.
D野都唔平, 我地叫佐五樣野, 埋單平均每人百幾蚊, 好彩唔駛我地比啫~
不過唔係食得好飽喎...
地址: 中環威靈頓街32-40號
電話: 2522-1624
話說我以前係TDK做果陣, 多數都係跟馬來西亞既客. 話就話係客, 其實大家都係0係TDK做, 係馬來西亞TDK同香港TDK買貨, 所以我識得一D馬來西亞既TDK同事.
好多時佢地都話打算黎香港玩, 於是我間唔中都會介紹下D香港地方比佢地知. 其中有一個話佢10月要黎香港飲佢朋友結婚果餐, 於是我同佢就相約一齊食餐飯見下面, 佢話想去鏞記食飯, 咁啱鏞記就係我公司附近, 於是就約佐尋日同佢去食lunch.
我地一共四人, 叫佐四個小菜四碗白飯, 小菜包括半邊燒鵝, 蝦子豆腐, 炒芥蘭同一個唔知咩野鱔. 味道我覺得無咩特別, 同普通酒家既差唔多啫. 碗白飯唔多OK添, 落少佐水, 好硬呀.
是次消費每人約$130, 又唔係好好食, 服務又一般, 呢餐lunch真係勁貴囉... 我朋友請客, 多謝晒啊~~
食飯果陣大家傾下香港同馬來西亞既物價, 佢話香港D樓好貴, 係香港三百幾萬只係買到一間唔夠一千呎既單位; 我朋友話如果換轉係馬來西亞, 可以買house, 連花園有三千幾呎囉... 鬼咩, 香港地少人多, 同埋香港D樓邊係攞黎住架? 攞黎炒架咋麻, 炒到貴晒...
佢地果度既物價好低, 係香港一個普通sales exe都有萬五蚊左右人工, 係馬來西亞既人工原來只係香港既一半, 所以佢地黎到香港覺得咩野都好貴.
我送佐盒老婆餅同鮑魚面比佢, 佢就送佐豬肉乾比我~~
今朝早有人上黎做家居示範, 介紹一款可以吸走塵蟎既吸塵機, 同埋一部可以過濾唔記得幾多mm粒子既空氣淨化機.
詳情唔多講, 總之流沙包真係超豪, 兩部機買晒, 盛惠兩萬幾.
下午我地好健康咁去佐打壁球, 夜晚就落佐千之壽同阿媽一齊食飯.
上星期五又要去觀塘出job, 我好討厭返觀塘呀, 車程又耐, 人又多, 地方又雜. 係人地office做野又無咁自由, D野又煩, 唉...
九點去到個客度, 成五點幾六點先走得, 之後就約埋幾個同事一齊去廣華醫院探剛剛生佐BB既日本同事, 點知係病房門口阿姐話每次只可以有兩個人入去, 好麻煩耶...
BB六磅幾, 好細個呀...
地址: 元朗西菁街10號好順泰大廈35號地舖
電話: 2477-6138
地址: 沙田新城市廣場7樓706-707
電話: 2687-1338
上星期一晚係沙田食飯, 超多人, 都唔知食咩好, 於是上佐7樓, 少人D. 我地淨係叫佐4樣野, 包括海鮮墨魚蝦餅, 三色燒飯團, 雞肉棒同埋軟殼蟹卷.
國慶日放假本來打算到沙田睇《色戒》, 不過我地無訂飛, 點幾鐘去到已經差唔多場場爆滿, 得番九點幾果場仲有D正常位剩, 不過我地唔睇咁夜啦.
於是我地就去佐文化博物館, 裏面其實唔算大, 而且今次去到仲有3個館因為改topic中而休館, 所以少佐好多地方行, 不過唔知點解我地都行佐好耐, 我地兩點左右去到, 行到六點幾先走.
地址: 元朗Shop 4, G/F Block 1, Crystal Park, 50 Ma Tin Road
電話: 2799-0991
上星期六終於有機會黎呢度食, 今次黎到唔駛等就有位, 入到去坐低佢就放低兩兜沙律, 每枱都會有, 不過我地埋單無check單, 唔知係送既定係收錢既前菜.
跟住我地跟menu叫佐甜蝦刺身, 帶子壽司, 蟹粥, 韓式豚肉鍋, 同一個menu無, 老細佢推介既私房菜式. 呢度上菜既速度唔算快, 差唔多係我地食完一樣, 第二樣先會黎.
味道方面我覺得普普通通啦, 個豚肉鍋都幾好味. 最後有甜品送, 我地揀佐果凍同芝麻豆腐糕.
埋單唔記得幾多錢lu... 評價都係值得一試既~~
地址: 金鐘太古廣場LG層116號鋪
電話: 2522 8830
上星期五同流沙包去佐金鐘食飯, 流沙包main course叫佐個鴨胸, 我就叫佐個set, 有頭盤, 餐湯, 主菜同甜品, 個set好似二百零蚊啦...
頭盤有6樣野, 睇相啦, 好吸引, 一次過可以滿足多過願望, 啱晒我呢D鍾意樣樣試少少既人.
主菜係鵝肝配quail, 好耐無食過鵝肝啦, 好好味呀, 每次食親都好感動~~
最後係甜品, 不過我就覺得味道麻麻地...
呢度價錢又唔貴, 食物都OK, 幾抵食呀~~
地址: 中環機利文新街32號地下
電話: 2543-8813
由於公司近期人事變動既關係, 我既工作就越黎越忙, 上星期四預計要有排OT, 所以放佐工同同事一齊落去食個tea. 同事叫佐魚蛋腸粉, 我叫佐餐肉煎蛋公仔面, $15個餐.
個公仔面啖貿貿, 我自己煮都好食過佢囉, 一碗咁既面賣$15... 超唔抵囉...
地址: 上環永樂街68號1樓
電話: 3528-7553
上星期四同阿Ken食farewell lunch, 佢要離開我真係好唔開心, 我超唔想佢走, 不過既然佢已經決定佐, 我唯有係最後既日子對佢好D我叫佐個非常普通既咖喱雞扒飯, 非常普通既味道, 但係就要成五十幾蚊一個餐, 咁既貨色係茶餐廳最多咪三十蚊...
, 所以呢餐飯由我一手策劃, 我地廿一個同事一齊出去食.
勁貴囉...
地址: 元朗教育路51號地下G舖
電話: 2470-6022
我發覺自己原來是犯賤的, 中秋節假期走黎病, 其實未BBQ前都覺得個喉嚨有D唔舒服, 一放假就喉嚨痛!! 夜晚去佐食蕃茄面, 我叫佐蕃茄雞絲水晶粉配豬扒, 個蕃茄湯底唔算好濃, 但味道都唔錯既, 價錢都OK, 病果陣食幾適合~
今年中秋節, lunch公司請飲茶, 飲到差唔多兩點先返到公司. 今年終於可以試下放早既滋味, 以前係TDK, 從來都唔會放早, 而家係新公司就可以放四點~~
雖然可以放四點, 不過我都無即走, 因為我越黎越多野做啦, 搞搞下都係五點四左右先離開公司, 落樓下諗住等960入屯門, 架架車都鬼咁多人, 好天真咁諗住佢會加密班次, 但960無囉, 白白痴痴等佐半個鐘, 頂唔順終於都係行上中環搭村巴, 一去到即有村巴又有位坐又舒服, 都唔知點解要咁白痴係上環等960.
夜晚去佐個friends屋企BBQ, 估唔到有D friends帶埋屋企人黎添, 同埋有好多friends又帶friends, 都幾熱鬧. 最正既係今晚燒海鮮, 有蝦, 蟹, 帶子, 貝類, 好正呀~~~
當然唔少得打下牌咁啦, 玩到三點幾先散band~~
