又講下溏心風暴... 常在心果part

呢排好興溏心風暴, 但我對佢地爭產方面無咩興趣, 我有興趣既係常在心同Alfred果part, 初初睇覺得佢地幾浪漫, 同埋睇番自己又幾唏噓. 睇見常在心剛入律師樓暗戀住Alfred, 然後又唔知對方對自己有無意思, 到後尾Alfred表白, 佢地兩個係埋一齊, 我好似好嚮往佢地呢個過程咁... 我先發覺, 原來我從來都未試過呢種似是疑非, 曖曖昧昧既心情同經歷. 回想番以前, 頭兩個ex都係好普通就一齊佐勒, 無咩追求無咩估估下既情況, 其實果陣根本就唔應該係埋一齊, 所以值得回憶既片段係一D都無, 所有既相呀, 信呀, 卡呀我亦都已經掉晒. 到佐流沙包, 識佢無耐就單刀直入勒, 無咩蘊釀無咩浪漫既經歷. 所謂追過我但我無接受既果D就更不值一提, 一D誠意都無, 條件又唔係好...

 

所以睇住常在心佢地, 我就好似去填補番一D我從來無經歷過既片段, 其實好似有少少遺憾, 因為我已經結佐婚, 唔可以再經歷D咩lu, 嗚嗚... 聽講我好似連一紮似樣D既花都未收過(一枝果D唔算呀!!)...

 

(算啦, 結佐婚你已經係師奶啦, 實際D啦, 講咩鬼野浪漫呀, 你估你仲係十八廿二咩... 更何況你識親果D根本都唔識得浪漫...)

新明皇迴轉壽司 -- 勝在平囉~~

地址: 元朗西菁街23號富達廣場地下19-24號舖
電話: 2442-2229

上星期三放工去做完facial, 之後返元朗同流沙包食飯, 由於返到黎都差唔多九點, 唔想食得太heavy, 所以去佐食壽司, 今次去佐西菁街間新明皇食迴轉壽司. 呢度D壽司就唔會好高質素架啦, 但勝在都算平, 我同流沙包夾埋大約食佐十碟, 埋單都係百二蚊左右, OK啦~

 

是次每人消費約$60

淺談會計(accounting) 1 -- debit與credit

要表達事物, 可以用聲音, 文字, 圖畫, 身體語言等等去表達. 假設A公司說他們業績理想, 有豐厚利潤, 可能你會有疑問, 到底怎樣為指豐厚? profits有十萬? 一百萬? 一千萬? 假設A公司同B公司的profits皆為一百萬, A公司投入的資金是一億元, 負債一千萬元; B公司投入的資金是一千萬元, 負債一百萬元, 你會怎樣看這兩間公司? "Accounting", 簡單來說, 就是用數字同分類(classification)去表達意思的一門學問. 分類(classification), 例如可以分fixed asset or current asset, tangible asset or intangible asset, direct cost or indirect cost等等. 

accounting由基本說起, 應該先要明白什麼是debit和credit, 很多人會說左邊的便是debit, 右邊的便是credit, 但那到底即是代表什麼呢? 不如我們從最簡單的bank account開始解說:

bank
debit	credit
收入	支出

bank account, debit side可以看為收入, credit side看為支出. 現在假設A公司做成了一宗$1000生意, 用現金交易(cash sales), 那麼A公司的bank account便會收到$1000, 由於debit同credit是對等的, 一個debit發生便會有另外一個credit, 所以bank account debit了$1000, 相對的sales便會credit $1000. 所以sales會是credit side.

bank			sales
debit	credit		debit	credit
收入	支出
1000				1000

現在再看看另一例子, 假設A公司要支付交通費$100, bank account便要支出, 所以credit bank $100, 由於bank credit, 所以另一邊的traveling expense便會debit $100, 所以expense會是debit side. 現在會不會清楚了點?

bank			traveling expenses
debit	credit		debit	credit
收入	支出
	100		100

下一期為大家講解financial statement~~  

(小女子只是讀過皮毛, 未算真正在會計行業打滾過, 如果所寫的有錯漏, 歡迎隨時指正, 請多多指教, 謝謝!)

 

百佳咖啡餐廳(Pokka Cafe) -- 算幾好啦~

地址: 旺角太子道西193號旺角新世紀廣場2樓298號舖
電話: 2628-9298

星期六晚終於都考完試, 因為我一早講過話要去睇海猿電影, 所以流沙包一早買佐飛, 我考完試就落旺角新世紀. 我地先去佐食飯, 流沙包叫佐個田螺, XO醬海鮮炒年糕, 咖喱奄列飯. 味道都幾好~~

 

是次每人消費約$120

 

食完飯去睇海猿, 幾好睇呀. 全套戲都無冷場, 我覺得有D戲係要係戲院睇先有果種氣氛同氣勢, 所以我一早同流沙包講我要睇呢套戲耶~~~

老富昌餐廳 (Bistrot Le Fauchon) -- 平價法國菜, 唔錯~

地址: 尖沙咀海港城港威中心一期2310-2311號舖
電話: 2956-3286

終於考晒試, 的起心肝寫番blog~

太耐之前果D唔寫lu, 寫番呢兩個禮拜既事啦.

11號晚去佐尖沙咀老富昌食飯, 其實想黎好耐, 不過每次食飯都醒唔起黎呢度, 反而而家無再係尖沙咀返工就專登過番尖沙咀食飯.

呢度食法國餐, 真係好平, 我叫佐四道菜, 價錢好似只係$178(三道菜就好似$148), 我叫個田螺, 海龍皇湯, 酥皮焗鴨腿同埋心太軟.

田螺無咩特別. 個湯都OK, 不過我覺得好似淡佐少少, 個焗鴨腿幾特別, 都幾好食. 最好食係心太軟, 同埋我竟然可以將個心太軟食到咁樣, 哈哈哈, 好開心~~

流沙包叫既牛扒:

 

梨花園韓國餐廳 -- 好貴耶~~

地址: 上環干諾道中119至121號韓國貿易中心地下
電話: 2544-0007

上星期五有個同事last day, 成班同事lunch去佐梨花園同佢farewell. 果度既set lunch都幾多款, 有成廿幾款, 我叫佐個泡菜豬柳飯, 有前菜, 湯同生果. 前菜都OK好食既, 有好多款式, 如豆腐, 泡菜, 苦瓜炒豬肉等等. 個泡菜豬柳飯都OK好食, 不過估唔到佢咁辣, 佢落佐好多泡菜, 好埋好多橙紅色既泡菜汁呀~~ 個湯就麻麻啦, 蘿蔔湯咁. 生果就係橙.

 

不過我覺得好貴囉, $60一個set lunch, 以前係尖沙咀食四, 五十蚊一個set lunch我都覺得貴, 呢餐食成$70, 好貴呀好貴呀~~~

 

是次每人消費約$70

寶湖海鮮酒家 -- 公司食飯~~

地址: 上環文咸東街35號文華大廈1-3樓
電話: 2854-9388

好耐無寫過食評了, 因為之前實在好忙, 忙到都無時間+心情去寫.

 

星期一lunch公司請食飯, 因為有新同事黎佐(我係其中一個), 全部同事+老細去佐飲茶, 坐兩圍(audit果邊唔計同一間公司), 呢度既點心都算唔錯, 上得快唔駛點等, 同埋款式都算多同特別. 最想講既係個甜品, 我地叫佐個咩野椰王燉奶, 好好食呀~~~ 好香好滑, 好令人懷念耶~~~~ 好想再去食~

 

 

新工逸事

1. 呢間公司有5個日本人, 其中3個(包括我之前提過mix果個老細)都識講廣東話, 仲要係異常流利果隻, 因為香港同事同佢地係用廣東話溝通. (我為佐要練好日文, 當然係用日文溝通啦~) 除佐廣東話之外, 佢地有D仲識講普通話, 法文, Spanish, 泰文等等... 好勁呀~~~

 

2. 我呢個低能婆第一次用打字機, 亦好坦白咁同老細講我唔識用打字機(咁我之前真係唔需要用到打字機麻...). 我主要係用打字機打報稅表.

 

3. 同事好好人, 返工第三日, lunchtime我仲坐係個位度(其實我有帶波仔飯, 但因為見好多人等緊叮飯, 所以咪諗住遲D先入去叮), 於是同事就走埋黎問我有無帶飯, 咁我就同佐3個男同事一齊落去食飯勒. 食完飯問番佢地幾多錢(因為其中一位同事負責埋佐單先), 佢地竟然話唔駛啦, 因為我係新同事, 好感動呀~~~ 相比起TDK, 我地個部門係無人會理新同事架囉, 上次個新同事第一日返工, 死肥豬腦細完全一D表示都無, 另一個教新同事野既同事就係lunchtime同佢講:「你可以自己落去食飯架」, 人情冷暖啦... 相比起之下, 呢度真係warm好多啦, 第一日老細請我食飯, 跟住同事又請我食飯.

 

4. 由於呢度係細公司, 唔同以前係TDK有admin dept專人負責聽電話, 坐reception, 分信等等. 呢度係實行新黎新豬肉,  新人有「更表」, 要輪流負責庶務工作, 所以我而家係新公司要聽電話, 分信, 寫courier地址, 去bank去郵局, 貼郵票等等既工作, 哈哈, 呢D野我真係出黎做野咁耐都從來未做過耶...

2007年4月19日(四) -- 上東莞, 去個客間廠

今日同經理及另一位同事上大陸, 去東莞一個客既廠度, 呢間公司搵我地做數, 我地當然要佢地公司既文件啦, 例如invoice, receipts等等, 除佐文件之外, 亦要了解清楚公司既運作, 再決定盤數應該點樣做. 例如今次呢個客, 我地要拆開兩盤帳黎做. 

去到個客到, 其實我只係坐係側邊聽, 主要都係經理同個客溝通, 我有好多野都未識未明, 例如accounting既野, 一D會計用既日文technical terms… 我諗我要係呢方面下苦功.

上午主要係搞佢地有關香港office既文件, 之後我地去佐一間酒店既日本料理食放題, 每人$98(個客請啦~), 我諗係大陸黎講算係好貴. 不過D野幾好食喎, 有D菜色我係香港都無試過. 有D甚至唔識點食, 係個客教我地點樣食, 哈哈, 好大鄉里呀~~~ 呢個客好勁, 識得普通話架, 仲好流利添喎, 我真係自愧不如…

食完飯又返番個客間廠, 下午主要係搞佢地關於大陸廠既文件, 我地由上午十點去到個客到, 到下午四點先搞清楚D文件, 返到香港大約五, 六點啦~