今日係senpai細妹結婚既大喜日子, 我地一朝早七點半就要落到屯門, 然後就係坐, 等, 食, 坐, 等, 食... 由朝早七點半坐到下午三點先上車出發去酒樓, 其間食過西餅, 食過乳豬, 睇過報紙, 化過?, set過頭, 落樓飲過茶, 睇過玩新郎... 我有時好白痴咁諗, 第時自己結婚唔可以戴眼鏡, 咁張結婚相咪會好醜樣囉?? 唉, 面又肥眼又細... 不過化?果個人竟然以為我得二十?, 開心死. (但係我智商都係得二十?)
去到酒樓我負責坐門口接待, 由下午四時多坐到晚上九時, 終於都有得食lu~ 因為我同阿娟(senpai細佬個女友)未過門, 所以伯母話我地唔可以坐主家席喎, 其實我都預佐既, 好彩振宇佢黎飲坐我隔離咋, 否則我實悶死佐. 有時睇見佢地結婚原來咁煩咁多野搞, 都有諗過自己結婚果陣不如唔擺酒, 不過我知道阿媽一定會殺佐我, 同埋一世人都係得一次, 我諗果日即使煩D都可以接受既, 不過如果屋企多兄弟姐妹既話, 咁就慘囉~
沒有留言:
發佈留言