沖繩七天之旅 Day 4 (Part 3) -- 27 March 2013 (Wed)

離開琉球村, 本來打算先去萬座毛睇日落, 但唔知點解個GPS成日點人行錯路, 喺某個路口明明應該要轉左, 但完全無提示, 我地變咗直去上咗山, 結果兜兜轉轉咁, 期間見到御菓子御殿既廣告牌, 於是就去咗御菓子御殿先, 之後再去萬座毛.

沖繩既御菓子御殿, 就好似去澳門就一定諗起鉅記咁, 點可以唔黎"朝聖"吓:

入到去, 當然係不斷試食再試食, 試到啱先買:

沖繩最出名應該係呢款紫芋撻, 不過我自己就無買, 因為以前喺日本公司做, D日本人去完沖繩出trip就一定買呢D紫芋撻返黎做手信, 我自己未黎沖繩之前已經食到厭...:

試食完買晒野, 我地跟住就去萬座毛睇日落啦~

離開萬座毛, 我地就去酒店check-in勒. 我地今晚同聽晚住既酒店叫ホテルサンセットヒル(Sunsethill Hotel), 酒店全部房間都係向海兼可以睇到日落. 我早前喺網上book房時, 好似做緊週年紀念promotion, 每間房只係6,000円, 最多可以住5個人. 如果5個人住, 每個人只係1,200円一晚, 真係勁抵! (我地雖然都係5個人, 但我地無可能住埋一齊, 所以都係book咗3間房)

酒店房間好大, 係和洋室:

有個廚房仔可以煮吓野添:

不過個toilet就細咗D囉...:

由於當晚大家都攰, 所以無揸車出去, 喺酒店餐廳食飯就算. 估唔到酒店餐廳既質素都咁好, D野好好食~

呢個係兒童餐黎架, 仲有橙汁同甜品, 大人食都勁飽, 真係估唔到佢係兒童餐黎, 我同墨魚媽墨魚妹食得勁滿足:

呢個係墨魚爸order既魚定食, 勁大條魚:

呢個係流沙包order既, 左上角既餐包可以轉做白飯架: