小欖中秋BBQ – 其實小欖燒烤場有咩好?

中秋節假期, 約咗中大同學仔去小欖BBQ, 我果日喺旺角搭小巴入去, 收費每位22蚊, 仲要排好長龍啊~~

 

其實我覺得小欖燒烤場都幾隔涉吓啫, 交通又唔方便, 我住元朗都唔係太鍾意入去小欖BBQ; 對於無車既人黎講(嗱, 我都無車架), 點解仲會有興趣山長水遠入去BBQ既呢? 如果講燒烤場, 元朗屯門都有好多吖, 元朗西鐵站一出就已經有一個, 交通唔係方便得多嗎??

 

同學仔要每人帶一個月餅同一個生果去應吓節, BBQ已經食到好飽吓架啦喎, 仲食得落月餅? 哈哈~~