7-11換公仔

7-11呢期又黎換公仔, 今次係Sanrio系列, 有我至愛既Pipi, 我梗係唔會放過啦~

 

而呢件事當然落喺人脈廣博既流沙包身上啦, 哈哈~

 

有一日, 如常同流沙包食飯, 我又如常咁同佢不斷呻公司野同考試既壓力, 我記得我果日真係好唔開心.

 

返到屋企之後, 沖涼之前入睡房拎野, 就見到一盒7-11公仔放咗係枕頭上面, 果吓真係超級surprise, 公司既唔開心野即係一掃而空.

 

開心既除咗係因為呢盒公仔之外, 仲有流沙包用心記得要幫我搵公仔, 同埋搵到之後神神秘秘咁花心思比個驚喜我, 喺心情就黎跌到落谷底既我, 真係幫咗我好多.

 

之後既聖誕特別版就係我地自己用印花換既.

 

 

而家仲爭一隻就儲齊Pipi啦~~