上海之旅 DAY 3(part 2) - 上海博物館, 南京路步行街

2010年12月26日(日)

上文提到我行到去人民廣場, 因為我要去上海博物館.

上海博物館係免費入場的, 裏面真係好多野睇, 我最鍾意中國古代青銅館, 裏面既青銅器真係令人嘆為觀止.

我好鍾意呢個呀, 好精緻:

行完二樓, 已經好鬼攰, 諗住入茶室飲杯野抖一抖再行, 但D野都幾貴喎:

我兩點幾去到上海博物館, 一直行到五點鐘關門先捨得走, 好彩我都剛剛好行勻晒4層樓既十幾個館.

離開上海博物館之後, 我就行去上海書城, 因為流沙包佢地今日最後一站係去上海書城買書, 所以我去書城join佢地食晚飯.

食完晚飯, 大家去咗南京路步行街行吓.

我係日本住果半年, 成日係電視節目見到介紹呢部"人造雲機", 今日終於有機會親眼見到:

呢個好似係紅豆酥? 我唔好紅豆餡, 所以覺得麻麻好食:

呢個係鮮肉月餅:

中式おでん?:

得四度咋...: