油牆假期真係要結束啦~~

呢排都無時間update個blog, 因為我將D時間同精神用黎應付agents同埋見工.

之前口口聲聲話唔想做日本公司, 但最後都係要向現實低頭(做香港公司唔係唔得, 但人工一定無咁高囉...)

由於日本公司多數都係要through agent搵, 所以我上星期send咗resume去咗兩間agents.

1月4日(二)
send resume去T字頭agent

1月5日(三)
send resume去A字頭agent

1月6日(四)
上咗T字頭agent見consultant, 期間要用國語, 英文同日文同D consultants對話, 以測試你既語言水平. 另外做咗D測試你日文程度既test, 同埋做埋日文打字既test(用黎count你打字速度)

1月7日(五)
上咗A字頭agent見consultant, 都係要測試國語英文日文水平兼要做一份測試日文程度既test.

1月11日(二)
見咗A字頭agent介紹既工.

1月12日(三)
今日去2nd in尋日見過果份工.

1月13日(四)
見咗T字頭agent介紹既工, 但我in完覺得地點太遠, 同agent講呢份工唔啱自己.

1月14日(五)
上午: T字頭agent打黎話有份工想我去見, 但聽見無double pay又無bonus, 我即刻reject. 個agent話試吓幫我叫高2K彌補番無DP又無B仔喎.
下午: 3rd in星期三見過果份工. in完即請即返工.

都係果句, 好好彩我第一份in既工雖然要去到3rd in, 但都有請到我, 無劃花我"in親既工都會請我"既record.

今次搵到既呢份工係日本公司, 佢仲係剛剛黎香港set up office, 所以我去in果陣, 連枱都未有, 得幾張chairs. 本來佢叫我下星期一先返工, 但跟住又問我而家即刻返工得唔得, 話計埋今日糧比我喎, 貪小便宜既我就應承咗即時返工啦... 嗚, 我好白痴呀!!

不過開心既係, 呢份工比我上一份多接近4K呀, yeah!~~ 我喺舊公司一直都呻自己underpaid架啦, 舊公司又唔接受現實, 又唔肯加人工, 3年黎做到我心灰意冷.

搵到工, 下一步好想氹流沙包買番架車仔... (但係我唔識揸車喎)