上海之旅 DAY 2(part 4) - 新天地

2010年12月25日(六)

離開中國館, 我地行去搭地鐵.

由於未夠鐘食飯, 我地去咗新天地行吓.

新天地好多酒吧同西餐廳, 都算有D聖誕氣氛.

由於今日下午係自由活動, 所以唔包晚飯. 同學仔喺上海做野既細佬推介咗一間餐廳比我地.

呢間餐廳聽聞本身係一間別墅, 後尾改建咗做餐廳, 所以個環境都幾靚幾特別架.

由於呢度最低消費每人$200, 所以餸菜方面, 大家都任嗌任叫, 又鵝肝, 又蟹湯, 又東坡肉, 又樟茶鴨, 又銀鱈魚... 叫到成枱都係.

最後埋單每人約$300, 雖然今日係聖誕節啫, 咁食法我覺得有點過份啊, 因為D野食唔晒, 我最唔鍾意就係食剩野咁浪費架勒!!! 如果係香港, 我一定拎盒打包食剩既野架.