除夕夜party

2010年12月31日, 全家人黎咗我地屋企開party.

今晚既美食如下~

生蠔三打 約$600:

刺身 約$800:

以下食物都是自家製架~

是次party駛費約$2,000.

上海之旅 - 感想

呢6日旅程, 我大部份時間都係一個人自由行, 本來都幾擔心會比人打劫/搶野之類, 但好彩我遇唔到(當然我自己都好小心謹慎啦).

我之前未去過上海, 我唔知係咪由於世博既關係呢? 上海好多地方都有安檢, 各個博物館, 地鐵站之類都要檢查隨身物品. 不過地鐵D安檢都幾hea吓, 我見好多上海人都係直行直過, 無將手袋背囊放上X光機, D檢查人員又唔理你又唔會嗌住你, 所以我後來都照樣掂行掂過就算.

而今次係我買得最少野既一次(咁呢次原則上都唔算旅行), 平時去親旅行, 總係要買一大堆手信, 今次我乜鬼都唔買, 淨係買咗舊金華火腿比墨魚媽, 同埋喺豫園買咗少少梨膏糖. 因為一來我無做野, 唔駛買野返公司; 二來我真係唔想嘥錢買埋D無謂野, 山長水遠拎返香港做手信, 但係人地收到都唔會開心既野. 我覺得上海真係無咩特別手信好買, 我見流沙包其中一個同學, 買埋晒D超娘鎖匙扣呀, 筷子呀呢D行貨到爆既野, 我心諗"換著係我收到D咁既手信, 除咗黎手掉落垃圾筒之外, 都唔知仲可以點處置".

最開心係呢6日既天氣都好好, 基本上都陽光普照, 所以無咁凍. 初初去到上海, 當地人話過兩日可能會落雪, 我最憎就係落雪架勒, 好彩最後無落, 天氣不知幾咁好.

最後一句感想: 小楊生煎真係好好食呀~~

另送上流沙包自製既postcard.

上海之旅 DAY 6 - 田子坊, 返港

2010年12月29日(三)

最後一日行程, 黎到田子坊.

田子坊D野好貴(講緊通街都有得賣果D普通手信, 唔係設計師果D), 好多都無得講價, 千祈唔好喺田子坊買手信.

離開田子坊, 我地去食lunch, 咁啱今日食飯間酒樓喺南京路佳家湯包隔離, 所以買咗D上酒樓食:

今日係平日, 小楊生煎無咩人:

食完飯就出發去機場lu.

難食飛機餐:

硬到掟死狗既雪糕:

上海之旅 DAY 5(part 3) - 朱家角

2010年12月28日(二)

離開東方綠舟, 下一站黎到水鄉朱家角.

放生橋:

一黎到, 勁多人拎住一袋二袋魚仔埋黎賣, 問你放唔放生囉...

入夜後, 景色好靚.

今晚食農家菜: