無線呢排播緊套日劇《花樣少年少女》, 漫畫版我有睇過, 台版叫《偷偷愛著你》, 香港版譯《女生勿進》. 當初睇漫畫版既時候都不是太鍾意呢套漫畫, 佢全套有廿幾期, 但當我睇到十幾期果陣, 我已經覺得D劇情係度拖, 好鬼悶, 好辛苦終於先捱到佢大結局.
所以電視版我都無咩興趣睇, 再加上D選角... 女主角堀北我覺得OK, 扮演男主角佐野泉既小粟旬, 我覺得真係完全唔掂, 又唔靚仔, 係度扮晒型, 果pat咁既頭髮都唔知想點... 總之我覺得佢成個爛仔格咁. 漫畫裏面既佐野泉係有氣質, 深藏不露, 外冷內熱既人黎架麻(我覺得), 小粟旬完全無果個神髓囉...
6 則留言:
借個位宣傳下...THANKS!!!
你是否面對著以下問題？？ ●欠缺第一筆資金「上車」 ●入息未能合乎申請公屋的資格 ●在公屋計分制下，卻要無期等待
要求政府重推首次置業貸款計劃
請大家到以上網站留言支持！
我都係咁話, 堀北真希飾演瑞稀一角無咩問題, 但小栗旬飾演佐野泉就真係唔知點咁, 又唔靚仔, 好似怪人咁....反而生田斗真 (中津秀一) 比他靚仔及型好多喔
[版主回覆07/14/2008 18:06:00]我真係唔明點樣選角...
其實中津咪仲靚仔, 不過小栗旬又唔知點解會係日本咁鬼紅, 好多妹妹仔都好迷佢
[版主回覆07/14/2008 18:06:00]日本人鍾意d另類掛? 我完全唔覺得可以用靚仔黎形容佢...
台劇版由 Ella, 吳尊 同 汪東城演, 感覺上好好多, 有時間睇下
[版主回覆07/14/2008 18:07:00]台劇我一向無咩興趣...
好對呢套無咩興趣，反而我bf早幾集睇到好開心，哈哈大笑喎，都唔明邊度咁好笑....
[版主回覆07/14/2008 18:08:00]你bf都有睇呢套? 一直睇開?
佢早2-3星期開始睇lor，但如果咁啱出左街又唔會趕返去既。
發佈留言