星期日墨魚氏一家+流沙包一齊入佐梅窩行下, 因為梅窩係墨魚媽細細個住既地方. 本身由屋企搭巴士去碼頭果陣都仲有少少陽光, 入到梅窩落佐船都仲有少少藍天, 點知行佐陣就落大雨, 雖然我地有帶遮, 但實在太大雨, 我地唯有係D有瓦遮頭既地方避下雨, 見細雨返D先繼續行. 我地淨係避雨都避佐兩次.
後尾見無乜雨就行上去銀礦灣瀑布同礦石洞睇下, 果陣都已經停雨咁濟, 但係當我地行落碼頭果陣, 突然間又開始傾盆大雨, 山路無處可避, 即使有遮都無咩用, 我地個個都全身濕透.
好辛苦先行番出碼頭, 我提議去梅窩體育館吹番乾個身先. 然後我地先至去食飯.
本來我地打算行完梅窩就去東涌行商場架麻, 但係去到東涌又落狗C咁, 於是就搭車返屋企勒, 真掃興...
成個島都係黃皮樹
沒有留言:
發佈留言