金田日本料理 -- 得個長字, 都唔新鮮既...

地址: 元朗教育路裕榮徑好旺洋樓13-14號
電話: 2449-4433

每次經過呢間舖頭, 都好多人係度等位, 所以咁耐以黎我地都未幫襯過. 上星期六下午本來諗住行出大馬路搵間酒樓飲茶, 經過金田見到無咩人等位, 於是就轉軚去食日本野.

我地叫佐三文魚, 鰻魚同吞拿魚壽司, 呢度既特色係特長. 長就係長勒, 但係我覺得唔夠新鮮囉...

另外仲有雜錦壽司(一件), 芒果炸蝦卷(三件), 同埋雞軟骨. 味道都係普普通通啦.

我覺得, 呢間試過就算, 應該有排都唔會再黎幫襯.