新鮮熱辣@墨魚燒賣: 2007

2007年12月31日星期一

2007年12月10日(一) -- 澳門威尼斯人渡假村之旅2

第二日我地係酒店既foodcourt食早餐, D野勁貴, 係無乜得揀既情況下, 我揀佐食魚蛋米, 價值三十大元, 貴到嘔...

之後係酒店再影下相就check-out勒, 然後出去食個lunch, 再去買手信, 食埋個雙皮奶, 跟住就去碼頭搭船返香港勒~~

2007年12月9日(日) -- 澳門威尼斯人渡假村之旅

12月9日同幾個大學同學展開澳門之旅. 我地朝早坐九點船過澳門, 到埗後我地先到漁人碼頭行下, 個碼頭無咩特別, 我地行下影下相, 跟住就去佐九如坊葡國餐廳食飯, 感覺上係又貴又唔係特別好食...

之後我地去佐旅遊塔, 好艱難先去到, 因為塔巴士又唔知搭咩車同埋係邊度塔, 截的士又唔係咁易截. 我地用佐$80上旅遊塔, 行佐陣就走勒.

跟住我地就返酒店check-in, 我地唔好彩遇到阻滯, 酒店話無我地agency既訂房紀錄, 要我地碌住卡唔過數住, 聽日佢地同agency取得聯絡確認無問題後就唔會過數. 佢既語氣比我既感覺係呢個問題好似成日發生咁, 之前酒店剛開幕睇報紙都話D人去check-in時酒店話無record所以無房比人入住, 估唔到間酒店開佐幕咁耐都仲有呢個問題... 但最大問題係酒店已經無晒twin room, 得番double room, 頂!!

酒店係幾靚架, 金碧輝煌咁, 係lobby行去搭lift上房要經過賭場, 最開心係我入賭場果陣比人check身份證, 哈哈~ 酒店間房勁大, 個toilet都大過人, 有兩個洗手盆架, 有機會都想同流沙包入黎嘆下~

然後我地就出誠昌食飯, 個水蟹粥都OK既, 但最好食既我覺得係個鱔, 我係一個唔鍾意食魚, 亦唔會食鱔既人. 但我見食剩幾舊, 諗住即管試下啦, 點知出乎意料咁好味, 好爽脆同埋無腥味架, 勁好味, 我唔食鱔既都食佐兩舊.

之後我地就入返酒店影相勒~~

2007年12月22日星期六

2007年12月8日(六) -- 流浮山食海鮮~

行完屏山文物徑, 我地就搭車入流浮山食海鮮, 好味道呀~ 正過果次係鯉魚門食既多多聲, 同埋價錢又唔算貴, 3個人食, 埋單都好似只係五六百蚊左右, 好味!!

2007年12月8日(六) -- 屏山文物徑

12月8日, 難得流沙包唔駛做野, 我地就去佐行屏山文物徑, 其實呢條文物徑距離我地屋企好近, 但係元朗住佐咁耐, 一次都未去過.

我覺得今日自己好勁, 由屏山行到去天水圍, 行佐好多路呀~~

我地今次好變態, 將小花掟高黎影相, 好驚接唔住會跌落地整污糟呀~ 我當小花係我個女架啦, 最錫係佢~~

2007年12月16日星期日

品味人生中國廚房 -- 幾特別呀~

地址: 荃灣綠楊坊3樓S35舖
電話: 2415-7999

12月1日去佐荃灣食飯, 本來諗住食日本野, 但新之城間元綠執佐, 地鐵站出面間和民又執埋. 於是就行佐去綠楊搵野食. 估唔到果度拆佐間美心, 將個位分佐做好多間舖, 於是我地就試佐其中一間勒.

呢度既selling point係中西合璧私房菜, 我地揀佐個二人餐, 超多配搭同選擇, 最後我地揀佐咖喱龍利柳, 酸辣鳳爪, 蘿蔔糕, 肉骨茶同燉湯, 肉燥飯同米線, 仲有個小籠包, 菜同埋甜品, 成個二人套餐都只係$200, 食到好飽, 有D食唔晒要打包拎走添. 份量就真係足夠, 又多款式, 啱晒我呢D鍾意樣樣試少少既人.

味道方面, 都唔錯呀, 我覺得個燉湯好好味, 又夠熱, 又足料. 唔錯!!

2007年12月15日星期六

2007年12月1日(六) -- 報團, 影相, 睇比賽

12月1日, 好忙. 朝早落屯門同奶奶飲茶. 飲完茶就落屯門市廣場報團, 我地報佐康泰既泰國五天團, 12月25日出發, 好貴呀~ 團費每位$3,199減$300, 加埋乜稅物稅連保險, 兩個人夾埋$7,364. 上年去關島又係25號出發, 今年去泰國又係25號出發, 哈~

之後行佐陣就去佐Pappagallo食雪糕.

食完雪糕就搭車出CityU, 因為今日要返學校拎Cert, 順便約佐班同學一齊影下相.

之後就搭車落荃灣食飯, 因為流沙包要係荃灣比賽, 打工商盃第二場, 雖然呢場佢地羸佐, 不過都係出唔到線.

本來今日應該玩得好開心, 但唔係知解, 到佐夜晚開始腳痛, 一行就痛, 要行到一拐一拐咁, 條腰又痛. 唉, 我都係唔躉得幾耐架啦... 真係好怕老佐會駝背"桔"腳唔行得唔走得...

Ramen Sanpachi -- 一般啦~

地址: 尖沙咀加連威老道2 -6號愛賓商業大廈G2
電話: 2301-4411

上兩個星期五同少婦一齊做完facial就去佐搵野食, 最後去佐食拉面. 我地一人叫佐碗拉面, 另外加佐個炸芝士.

碗拉面真係好鬼大碗($60碗), 細食既兩個人share一碗, 加個小食都OK.

味道方面, 一般啦, 當然無北海道果D咁好味啦; 個炸芝士唔夠熱, 再熱番D就好勒.

是次消費每人約$80.

2007年12月13日星期四

2007年11月25日(日) -- 又影畢業相

上兩個星期日又去佐影畢業相, 今次既地點係黃金海岸.

講真如果今次唔係咁啱嘉敏(我中學同學)佢master畢業, 會約班舊同學出黎影相, 我諗我都未必會主動約佢地出黎影相. 說實在, 成班中學同學裏面, A-Level放榜我可算係最差果幾個, 個個都入到U咁濟, 仲要係CU, HKU, 唔係嶺南, 教院果隻喎. 我呢D入唔到U既, 簡直係自卑到想死啦.

到佢地U grad佐之後, 有D連master都讀埋畢埋業, 我先至走黎學士畢業, 仲要係part-time果隻, 講真我自己都覺得有D醜啦. 所以如果呢次得我自己一個人畢業, 我無諗過會約班中學同學出黎同我影畢業相囉. 因為呢樣野應該老早係N年前就已經應該影佐架啦...