尖沙咀區食飯, 多數都係又貴又難食...
豬肉飯 $33@釜山韓國餐廳:
勁難食囉, D肉凍冰冰咁, 大學canteen都好食過佢啦...
車仔麵 $28@靚靚車仔麵:
呢碗咁既野就叫做"細雜錦"... 我係鄉下妹, 喺元朗食慣許祥昌, 你知唔知人地既細雜係點架?!
豬扒撈公仔麵 $33@興發茶餐廳:
D麵整得好難食囉...
番茄雞翼麵 $2X@星座冰室:
呢間野聽人講就聽得多, 親身黎都係第一次. 佢位置真係好奇怪, 我一個人真係未必識去. 番茄公仔麵, 唔係話唔好食, 但我覺得普普通通啦, 我都係懷念舊公司附近既勝香園多D囉.
雞脾凍檬 :
下午茶, 味道都OK.
牛雜牛腩米@德發牛丸粉麵:
本來我係唔食牛, 但果日同新同事一齊去, 加上個個都話呢間野勁出名, 所以就即管一試啦. 我唔食開牛, 唔知算唔算好食勒...
豬扒雞翼麵@華香園:
又係聽人講, 話呢度既豬扒好出名, 咪黎試吓囉... 唓, 都唔係好好食咋喎, 不外如是啫...
2011年4月7日星期四
Lunch@尖沙咀
訂閱：
發佈留言 (Atom)
10 則留言:
想請問那個蕃茄公仔麵是否在賣舊相機那個商場內裡售賣的？
[版主回覆04/08/2011 13:16:00]果次都係我同事帶我去, 我都唔係好識路呀...
Pic1果兜猪肉飯、価格同貨品有太大差距！
[版主回覆04/08/2011 13:16:00]果碟野簡直不知所謂啦!!!
我都覺尖沙咀無咩好食~
[版主回覆04/08/2011 13:16:00]又唔係無好野食, 但貴囉...
我就食唔起啦
以前喺元朗讀書 , 都係食許祥昌大 !~ 好懷念 !
[版主回覆04/11/2011 16:21:00]我都周不時去架, 又大碗又平又抵食~
我向TST做野,D朋友成日話你果度好多野食....係咪好似講一樣囉,有D囉但好貴囉....
下次可以去嘗試一間叫Yummy (味佳居)食越南野,佢既雞翼好好味,一個午餐大約30-40蚊,連野飲!有時要等5-10分鐘坐!
[版主回覆04/11/2011 16:21:00]係呀, 睇你比唔比得起錢啫, 但我就食唔起啦, 餐餐LUNCH都無可以食七, 八十蚊架麻.
等我下次有機會試吓你講果間先, THX!
你blog排名係6099名
[版主回覆04/11/2011 16:21:00]THX!
韓國野個賣相唔錯喎,
但原來味道唔好架....
[版主回覆04/12/2011 13:10:00]賣相唔錯? 反對呀!!
所以通常我都係中意係番自己住果區食野呀..起碼知邊度抵食夾大件!
[版主回覆04/12/2011 13:10:00]元朗區食飯平好多呀~~
妳又上左精選 Blog 喎
[版主回覆04/13/2011 12:46:00]我都唔知點解... 所以呢排又勁多廣告留言囉!!
番茄公仔麵牛，牛非常 韌
[版主回覆04/22/2011 20:42:00]哈哈, 我淨係覺得麻麻地好食.
發佈留言