我地搭朝早八點半既直通巴士由屯門出發, 到差唔多十二點先上到中山.
上到去就先去食飯.
食完飯就上新人既屋企呆坐.
呆坐完一輪, 終於可以離開, 五點幾去到飲宴場地.
喺大陸擺酒原來係無麻雀打, 有排都未開席, 我同流沙包唯有行吓果個蚊型商場, 然後再喺KFC坐吓, 我拎部MP4睇下anime, 流沙包打吓NDS, 坐到七點半左右先上去酒樓.
去到酒樓, 又繼續呆坐, 坐到八點半先開席. 大陸擺酒好奇怪, 開席前原來唔會影大合照.
終於開席, 說實在, 原來大陸既新郎只係著套普通西裝, 真係完全認唔出佢係新郎; 而新娘... 我無意見...
散席大約十點幾, 本來我地諗住喺上面租酒店住一晚, 第二朝先返香港. 但死人流沙包話第二朝要帶隊喎, 所以我地漏夜要趕返香港, 條路線就精彩囉, 如下:
1. 流沙包有D阿姨住喺澳門, 所以我地跟埋佢阿姨, 先由中山搭的士去到拱北關口
2. 由拱北關口過去澳門(拱北關口好落後好恐怖好多行乞既人呀! 仲見到手臂咁長既老鼠呀!!)
3. 阿姨由澳門拱北關口車我地去澳門港澳碼頭
4. 搭12:15am船由澳門返香港
5. 由上環搭的士返元朗
返到元朗已經兩點幾, 痴線架! 我明明唔想返上去飲架麻!!
14 則留言:
無辦法lar,明解嘅,無無無聊聊咁又一日,鬼叫一場親戚咩
[版主回覆04/08/2011 12:57:00]我係唔明點解要一朝早撲上去啫, 淨係去飲夜晚果餐咪得囉...
我都好同情你, 但紅白二事有時又唔到你話事去唔去嘅, 你d叫親情, 希望有機會你會感受到
[版主回覆04/08/2011 12:57:00]我係唔明點解要一朝早仆上去, 上到去又呆坐啫... 反正都係飲夜晚果餐啫, 點解唔晏D先上去喎...?
我試過要攞酒前一日返去，仲要係半夜4點接新娘，佢地叫我去瞓先，半夜3點叫醒我，最後選擇咗唔瞓囉。
[版主回覆04/08/2011 12:57:00]嘩, 就番吉時呀? 但半夜4點會唔會過份咗少少呢?
打死都唔去.
[版主回覆04/08/2011 12:56:00]都係俾面派對啫...
唉…做乜要咁早上去？陰功！
[版主回覆04/08/2011 12:56:00]係呀, 我都唔係好明點解要咁早上去... 上到去又無咩特別野做, 得個坐字...
響Big6正式來講、打馬吊係同党/法律有相違、吾係話無人捉就＝無事=安全、不過到U打既時候就話U違法、U有セ野水可洗脱”罪名”ne? 我係好明白：一代親、二代表、三代咀”苗苗”係事実！！！
[版主回覆04/08/2011 13:04:00]早知自己帶副啤牌上去啦, 哈哈~~
無辦法lar,鬼叫係親戚.
大陸同香港搞婚宴係會唔同. 唔會搞咁多花臣.
記得我返深圳影婚紗相時化妝師同助手見到我對keroppi結婚公仔超好奇, 仲讚佢地超可愛.
[版主回覆04/08/2011 13:04:00]係大陸飲既好處就係好快趣飲完, 好快趣走得, 唔駛等到九點先開席
唉﹗難為了家嫂﹗
[版主回覆04/08/2011 13:04:00]OK啦, 呻吓啫, 無野喎~~
真係粗勞....
[版主回覆04/08/2011 13:04:00]最衰係流沙包第二朝有野做啫, 否則會係上面過一晚夜, 第二朝先走, 唔駛咁"頻能"
哈...咁又係喎~~飲之後第二朝都有嘢要做...做咩要咁怱忙咁上去大陸飲呢??不過你好好呀..會陪佢一齊去飲...若係我就一定唔會上去啦...
[版主回覆04/11/2011 16:24:00]我無得揀...
太晏上去, d親戚覺得你地唔俾面丫嗎, 呢d人情世故, 你要慢慢學
[版主回覆04/11/2011 16:24:00]我一向都唔識俾面人, 哈哈哈.
講笑啫, 慢慢學啦~~
你個回程真係勁攪野......
[版主回覆04/11/2011 16:24:00]最衰都係流沙包, 哼!
你好!點解唔搭船去中山呢?方便又舒服。唔駛咁辛苦
[版主回覆04/11/2011 16:24:00]我都唔知呀, 可能佢地鄉下唔近碼頭果邊掛??
乜唔係興擺晏晝既咩？(我聽人講)
[版主回覆04/12/2011 13:11:00]我又無聽聞過呀, 但都要搞到好夜先開席囉...
發佈留言