我以為咩野事排晒長龍, 原來係...

我今日出佐元朗廣場巴士總站搭968過海返工, 離遠見到一大條人龍, 心諗: "唔係化? 已經咁多人排隊等車?"

 

再行近D, 原來D人唔係排隊等巴士, 係排隊等攞免費報紙呀!

 

說話頭條日報會係巴士站對出派發報紙, 但係朝早D報紙仲未運到黎, 淨係得兩個派報紙嬸嬸企係度ready, 而D人就排晒隊係度等攞報紙.

 

唔係化? 痴線咩! 我仲以為咩野大件事, 條人龍長到差唔多有成六, 七十人咁濟.

 

平時一至四都見唔到有人排隊等攞報紙架喎, 今日星期五既報紙有咩咁特別呀?