自己一個人返深圳office

上幾個星期又返佐深圳office, 唔同既係, 今次係我第一次自己一個人上去, 所以我就唔經上水-羅湖去, 而係經落馬洲-福田口岸上去.

 

由元朗搭巴士, 半個鐘左右就去到落馬洲鐵路站, 超少人, 舒服過係羅湖過關. 過到福田口岸再搭深圳地鐵, 話咁快就到達深圳office.

 

我九點半左右去到office, check下深圳同事做既數, 十二點就搞掂晒, 然後同深圳同事去食埋個lunch先返香港. 返到香港都係三點左右, 爽呀~ 本來打算爭取時間做功課, 但係我竟然係梳化訓著佐, 激死人啦!!

 

今日係深圳office, 我盡量全程都用普通話對話(個深圳同事識廣東話的), 希望快D可以練好D煲冬瓜啦~