又一棧 -- 好味道~

地址: 九龍塘達之路80號又一城LG1-29
電話: 2180 8908

 

前排同流沙包睇完007之後去佐又一棧食飯, 記得以前係CityU讀書果陣, 都間唔中會去又一棧食飯(我當年無咁富貴, 只係因為同Professor食飯, 先有機會去啫~), 都隔佐好多年無去過.

 

前排申請佐AE白金卡之後, 先知原來又一棧都係美心集團既(用AE白金卡係美心中菜集團食飯有半價優惠, 但只限晚市及散叫). 我地果晚叫佐酸辣湯, 窩貼, 蟹粉煨面, 無錫骨, 同埋一個菌菇類既餸.

 

我覺得D野幾好食呀, 尤其是個蟹粉面, 正! 我地又有卡位坐, 環境舒服, 唔錯唔錯~

 

不過呢度D冷氣超勁呀, 變態, 好感受到D冷風由頭頂吹落黎, 好討厭!!

 

意粉屋 -- 芝士火鍋

最近去佐食意粉屋既芝士火鍋. 我地order佐非海鮮果個set. 兩個人share黎食都夠飽既, 因為我同流沙包都唔係好大食.

 

味道方面, 我係半島酒店既Chesa食過果度既芝士火鍋, 無論味道同價錢當然就無得咁比較啦. 意粉屋既芝士火鍋... 味道好淡囉, 無咩芝士味囉, 個芝士火鍋相對地較稀囉.

 

不過百零蚊既價錢, 試下都無妨既.

豪擦大閘蟹~

今年我同流沙包無去酒樓食, 因為流沙包細妹買佐一籮返屋企, 自己整黎食, yeah yeah yeah!!

 

 

河泰國餐廳 -- 我第一次比100分的餐廳

地址: 太子彌敦道750號始創中心地庫Shop B02-06

電話: 2625 9234

 

早排突然想食泰國野, 係網度search到呢間泰菜buffet, 每位百零蚊, 就有多款菜式可以任叫任食.

 

我地第一輪叫佐八樣野, 樣樣野都好好食, 質素高味道好. 我以為佢會因為任食既關係而將貨就價, 但呢度無咁做喎. 例如個冬陰公裏面, 竟然有兩, 三隻大蝦; 個柚子沙律勁多柚子; 個泰式金邊粉係勁好食, 同埋裏面竟然有多隻大蝦係度, D蝦仲要幾彈牙, 唔係雪到霉晒果D蝦毛喎. 係出面D餐廳比錢單叫個金邊粉, 最低限度都六, 七十蚊啦, 都無呢度既咁大碟咁多蝦咁足料咁好食~ 所以明知如果食晒成個金邊粉, 就無空間再食其他野, 但為表呢間餐廳對食物既誠意, 我決定成個金邊粉食晒佢.

 

結果我地第二輪落單淨係要佐兩款甜品, 然後就埋單走人, 已經飽到食唔落. 下次有機會一定要再黎~ 我仲有好多菜式未試. 同埋呢度既服務好好喎, D waiter好主動咁斟水, 成餐飯斟佐好多次, 態度又好~~ 抵讚!!

 

最後一提, 即使係個甜品都好好食呀, 尤其是個"椰汁芋頭糕".

 

 

 

大榮華酒樓 -- 等位...

地址: 元朗安寧路2-6 號2樓
電話: 2476 9888

老豆終於返番黎香港, 於是某個星期日同佐屋企人去大榮華食晚飯.

 

我地六點鬆D去到, 已經超多人等緊位, 我地四個人等佐一粒鐘先有位.

 

我地叫佐以下幾樣菜, 菜名我已經唔多記得.

 

D野上得好快, 我地約一粒鐘就食完埋單走人勒.

 

自己一個人返深圳office

上幾個星期又返佐深圳office, 唔同既係, 今次係我第一次自己一個人上去, 所以我就唔經上水-羅湖去, 而係經落馬洲-福田口岸上去.

 

由元朗搭巴士, 半個鐘左右就去到落馬洲鐵路站, 超少人, 舒服過係羅湖過關. 過到福田口岸再搭深圳地鐵, 話咁快就到達深圳office.

 

我九點半左右去到office, check下深圳同事做既數, 十二點就搞掂晒, 然後同深圳同事去食埋個lunch先返香港. 返到香港都係三點左右, 爽呀~ 本來打算爭取時間做功課, 但係我竟然係梳化訓著佐, 激死人啦!!

 

今日係深圳office, 我盡量全程都用普通話對話(個深圳同事識廣東話的), 希望快D可以練好D煲冬瓜啦~

 

終於都成為最高分果個~~~

前日派返Business Law份assignment, 呢份assignment我用佐兩, 三個禮拜去做, 睇佐好多書, 政府網頁, 上網搵court cases, 晚晚都睇到一, 兩點, 做到我發晒脾氣 (因為其中一題係"Describe judicial independence and discuss the extent to which it is practiced in Hong Kong", 簡直做到我想死.

 

呢份功課full mark 25分, 我地既mean係21.59, highest score係24.5. 我攞到24.5分呀~~~ 知道自己既努力有唔錯既result, 果刻真係覺得自己既辛苦無白費, 同埋覺得真係幾有滿足感~~

 

下一份assignment下個星期又要交啦...

小飛象葡國燒烤餐廳 -- 都唔錯呀~

地址: 旺角西洋菜街1號兆萬中心8樓

電話: 2332 5683/ 2332 3769

有日同流沙包去佐食葡國菜, 我地叫佐個二人世界套餐, 有焗青口, BB孔鴿, 燒豬頸肉, 菜, 海鮮炒飯, 同埋甜品雪糕班戟, 另包兩杯飲品.

 

我覺得個套餐都算幾抵食, 兩個人食真係超飽. 唯一係個炒飯我覺得味道麻麻地, D飯好乾.

 

我鍾意佢D飲品唔係淨係得咖啡或茶, 佢有D特別既飲品可供選擇, 我叫佐杯薄荷朱古力, 味道幾得意~

 

同埋個waitress有禮貌同服務週到, 唔錯呀~~

 

福福 -- 拉面唔錯

地址: 元朗教育路120號永興樓地舖
電話: 2470-6818

元朗一向勁多日本菜餐廳, 早前又開多佐一間,  於是有日同流沙包去試佐.

 

入到去發覺原來佢係食拉面既, 款式唔算多, 另外都有D定食.

 

我地叫佐一碗招牌拉面, 同埋一個串燒拼盤, 同一碟前菜.

 

碟前菜係wasabi菠菜, 味道都幾特別.

 

waitress話佢地既叉燒唔係出面買現成, 而係自己去街市買豬肉返黎自己整成叉燒. 我覺得都整得幾好食, 唔靭, 醃得都幾入味.

 

不過個串燒拼盤就麻麻地, D肉好靭呀, 同埋我覺得醃得唔夠入味, 有D淡.

 

值得一讚既係服務態度唔錯, 個waitress同廚房我估計就係餐廳老闆, 所以好慇勤同好有禮貌. 不過我擔心佢地咁少食物種類, 又無邊款特別好味特別出色, 唔知佢地會捱到幾耐...

 

阿詩瑪雲南風味軒 -- 辣到條脷都痺埋

地址: 旺角彌敦道639號雅蘭中心6樓E鋪
電話: 3188-2555

 

幾星期前同流沙包去佐食雲南菜, 真係好鬼辣.

 

個麻辣雞軟骨, 真係麻辣到條脷有D痺呀~

 

過橋米線好好食~

 

台北三天之旅 -- 後記

其實台北呢個地方, 我幾年前已經去過, 亦都覺得無咩特別野值得再去.

 

不過因為呢一次係同一大班朋友去, 所以近近地就去台北. 主要目的都係想一大班friends一齊去旅行玩幾日, 所以去既地點都變得唔重要.

 

我覺得饒河街夜市值得去多D, 食物種類多過士林夜市好多. 不過士林夜市有好多舖頭仔行下, 如果唔係淨係為食野, 就士林夜市可以行耐D囉. 

 

聽人講阿婆鐵蛋好出名, 於是專登買D返黎香港, 點知我覺得好難食, 個皮好韌呀, 勁難先咬得開, 千祈唔好比老人家食. 反而我覺得醍醐大師鐵蛋好食好多.

 

係港鐵月台, 無論係年青力壯定健步如飛既都會湧去搭lift(即使隔離就係escalator). 但係台灣捷運, 唔係老弱傷殘都唔會搭lift, 同香港好唔同.

 

有個男性團友話係台灣好少見到肥婆喎, 我又無留意呀, 唔知係咪真既呢?

 

 

我好欣賞佢個idea: