梨花園韓國餐廳 -- 態度超差的阿姐

地址: 上環干諾道中119至121號韓國貿易中心地下
電話: 2544-0007

上星期去佐兩次梨花園食飯, 一次係上星期一同兩個同事及GM去食dinner, 第二次係上星期四同同事去食生日lunch.

講真呢間餐廳我都唔係第一次黎, 但上星期遇到個超無禮貌, 態度又差, 超霉氣既阿姐囉, 不知所謂!! 今時今日仲有D咁既服務態度既?! 反而有個講英文我估係韓國人既男侍應就好好多~

食物方面, 貴囉, 星期一晚我地叫佐個4-5人餐, 鬼死咁多肉, 食到個人好膩呀! 同埋果個咁既人參雞湯, 麻麻地囉, 無咩人參味既.

lunch方面, 60蚊一個餐(唔記得駛唔駛加一), 又唔見得好豐富...

如果唔係同事決定去果度食飯, 係我自己決定的話, 我絕對唔會再去囉...