鴨仔蒸飯, 好味好味~~

上星期三雖然好夜先放工, 但反正流沙包去佐練波, 我又無學要返啦, 就即管做下師奶去買菜煮飯, 我係百佳買佐隻米鴨仔, 返到屋企用兩把唔多利既刀好辛苦先斬開隻鴨十八碌(鴨鴨對唔住呀~), 求其用調味料撈勻, 跟手浸佐D冬菇同埋撕碎D菜葉, 跟住煮飯, 等D飯開始滾起就將D材料掉晒落電飯煲一鑊熟.

結果係... 唔係太成功, D飯有D煮唔熟, 因為我落材料果陣將D米同材料攪勻,  所以做唔到煲熟D飯兼且收水個程序, 個電飯煲好快就跳掣表示煲好, 但我揭開個蓋睇下, 裏面都仲係生米黎既...

嗚... 於是我就唯有久唔久又攪下D飯同材料, 再按番個煲飯掣落去, 但佢好快又彈番上黎, 來來回回我按掣按佐好多次呀, 嗚, 好白痴...