12月29日(六), 我同流沙包夜晚要一齊去飲, 所以果日就早D出尖沙咀諗住行吓.
由於無做定功課既關係, 我地求鬼其就去咗日航酒店既Lobby Lounge諗住坐低high個tea, 諗住日航應該都唔差得去邊掛? 佢2人set $368, 個tea set一上枱, 真係嚇親人, 呢度話晒都係日航吓咶? 個high tea搞乜好似深圳酒店咁架…?
我將張相放上面書, 朋友既留言包括”做咩揀日航?”, “美心+茶記”… 真係比班friends笑死.
但老實講個high tea set真係超級唔掂, 上層既甜品貨色, 就算係平時buffet我都唔會諗住拎黎試食啦! 真係仲衰過美心西餅喎!! 中間果層竟然有咖喱角, 仲係凍既添, 不如加埋春卷同西多士吖, 咁就成為大快樂下午茶餐囉. 個Madeleine硬掘掘架, 難食到爆! 最下層既三文治, 個面包已經放到硬晒. 總之成個high tea完全可以用不知所謂黎形容.
最後想講, 除咗個tea set似茶記之外, 果度既服務亦都好似茶餐廳咁囉… 以後都唔會再黎呀!!
2 則留言:
日航響N年前係出左名、有背景既人先至会去既、吾知U有無聴過、吾知現在仲有無ｄ背景人物長期盤駐？！ 日航ｄ婚宴仲難食亜！連街市ｄ大排檔都比吾上亜！
[版主回覆02/25/2013 19:30:59]咁我又無聽過喎...
我地去果日得小貓三, 四隻咋... 咁既質素唔怪得咁少人去.
點解宜家日航搞成咁....."差"呀
[版主回覆02/25/2013 19:33:13]勁得人驚囉, 中伏...
發佈留言