大航假期: 賞"沙雕魅力"+嚐"三大特色宴"二天為食純玩團 Day 2 (2012年8月5日)

好難得跟團可以訓到咁晏, 我地11點先check out, 所以我地訓到八九點先起身食早餐.

早餐喺酒店餐廳食:

酒店lobby:

我地既旅遊巴:

我地九點幾先食完早餐, 11點幾又話去食lunch, 今餐叫做"台城第一家正宗黃鱔飯宴".

 

食完飯, 我地就出發去神秘果園, 中途去咗個toilet, 導遊話神秘果園個toilet比較污糟, 所以就黎呢個toilet, 不過呢度既toilet隔離就係手信店, 大家明啦~ 最後我都買咗D陳皮返香港.

黎到神秘果園.

傳說中既神秘果, 佢到底有咩咁特別, 我諗好多香港人都知架啦, 我唔喺度再重複啦~:

所謂既任食時令水果大餐, 就只係D香蕉, 石榴, 木瓜, 洋桃咁囉...:

最後大約黃昏六點幾去番深圳灣/福田口岸解散.


比幾百蚊跟得呢D團, 其實我都無咩要求, 不過全程既食住都比我想像中好, 尤其食方面, D餸菜真係好有特色同埋好好食, 餐餐都十幾碟餸, 一定唔怕食唔飽或者唔啱食. 酒店亦都比我想像中舒適.

不過呢個團既車程就比較長, 同埋成個團其實無去過咩景點, 感覺上就只係搭車塞車再搭車, 如果可以去多少少特別景點會好D.

要讚既係當地導遊, 由於呢D係平價團, 唔會有咩香港領隊, 接待你既只有大陸既導遊, 今次呢個導遊叫阿瑩, 雖然係後生女一個, 但係好好口才, 識講野, 識搞氣氛, 同埋廣東話講得好正. 而除咗呢個導遊之外, 全程仲有兩個staff跟住, 呢兩個staff都係剛畢業受訓中, 所以就跟埋黎學野, 但佢地真係好fresh囉, 叫佢地出黎自我介紹, 講完自己叫咩名之後, 就唔識點接落去, 又唔係好知講咩好, 怕怕羞羞, 廣東話講得唔正, 真係要花多D時間先可以擔大旗.

同埋好唔明點解D團友一定要叫導遊唱歌囉, 勁老土!!

另外我地呢團有好多個大parties, 其中坐我地後面果班十幾人一個party既師奶阿叔, 成程都勁嘈勁多野講勁大聲囉, 我想話喺車訓吓都唔得, 最慘係我唔記得帶MP4又無帶headphone, 全程車就焗住聽佢地依嘩鬼叫 講埋D晒命既對白, 救命~~

最後好想講, 點解D大陸人可以接受D咁核突咁臭咁烏糟既toilet囉... 無論係公廁或者係餐廳廁所都係咁難頂... 我唔係太鍾意返大陸, 好大原因都係因為當地既toilet囉!! 有D toilet夠膽死果度門只係得半身, 我明明有D急, 都即刻諗都唔諗就行番出黎, 繼續忍囉!! 大陸係衛生呢方面唔知幾時先有進步...