上品火鍋料理 -- 食評講到咁好, 但我覺得只係得個貴字...

某個星期三, 約咗歐洲團既幾個團友打邊爐.

我以為流沙包佢一手包辦啦, 點知佢星期二晚十點幾先send個Whatsapp黎叫我上網搵餐廳, 真係比佢激死!!

於是我上openrice求其搵咗間, 見食評幾好咁, 於是就book咗上品火鍋料理.

我當初上openrice無留意佢實際位置喺邊, 只知道係銅鑼灣, 點知原來咁鬼遠...

我覺得D食物都好一般啫, 又唔見得特別好食, 但就特別貴囉, 好記得我地叫咗個四寶丸, 真係得果四粒咁大把... 即係一粒丸要成十幾蚊?!!

我地五個人食, 其實唔係叫咗好多野, 埋單每人$190, 但我食唔飽囉...