元朗區都有D樓上cafe, 不過我就從來無試過.
之前睇openrice見到某間食評好似幾唔錯咁, 於是就上去試吓啦.
我地今次去既呢間叫嘆咖啡 Coffee Town.
佢個menu有好多野都已經無咗, 例如芝士蛋糕, 心太軟等等已經遮咗無得order.
我地叫咗8隻雞翼, 一個田園沙律, 一個carbonara, 一碟炸薯片同埋一杯vanilla chocolate.
個杯幾靚:
雞翼好細隻下:
個田園沙律, 明明menu話有多士半份, 但係上菜時得份沙律唔見有多士, 以為佢焗緊無追佢啦, 但係等咗好耐都唔見有, 問吓個staff, 佢話menu改咗, 已經取消咗份多士, 不過menu改唔切喎... 咁我地頭先落order果陣你又唔講聲?:
碟炸薯片, 明明睇住佢炸, 但係上枱果陣已經完全凍晒, 好多都已經淋晒:
我地有問過staff點解碟炸野係凍既? 佢解釋話炸起後要吹凍同"琼油"喎, 完全唔係Ruby Tuesday果種炸薯片...
carbonara都OK, 好多煙肉:
埋單唔記得幾錢, 不過記住黎得呢度食野就要預番多D時間, 因為廚房細細, 人手得2個, 黎hea吓都仲可以, 趕時間的話請去番茶餐廳.
導出導入機都興咗好耐, 但一直以黎我都無買, 因為一來驚無效用, 二來驚自己三分鐘熱度, 三來又覺得貴.
最出名果部HITACHI要成兩千幾蚊一部, 我諗咗大半年都心大心細中, 唔知買唔買好, 因為二千幾蚊真係好貴囉...
最後都係覺得不如平平地買一部玩吓就算, 於是喺CITY SUPER買咗果部ION+ LOTION BEAU SET, 連機有埋支精華液, 有齊導出導入功能, 價錢都只係二百幾蚊, 就算真係無效用, 都只係嘥咗二百幾蚊啫, 都玩得過吖. (我買果陣仲有包日本化妝綿送添)
用法: 洗完臉後, 我會用BIODERMA果支紅色落妝水沾濕塊化妝棉, 然後將塊化妝棉夾喺機頭度, 開掣撥去+號(紅色燈)做咗清潔程序(導出)先, 將機頭按落塊面度(手指一定要掂住手柄個銀色金屬部位), 每個位按住五至十秒再轉位就得.
第一次用, 塊棉都算OK烏糟:
第二次用:
做完清潔程序, 再做導入, 今次用隨機送既精華液沾濕化妝棉, 又係夾喺機頭, 今次開掣撥去-號(綠色燈), 又係照樣將機頭按落塊面度, 每個位按住五至十秒再轉部位就得.
暫時我係隔日做一次, 希望唔會又三分鐘熱度啦~~
同場加映, 果日喺CITY SUPER買完部機, 順手去埋supermarket買咗幾支yogurt drink, 廿幾蚊一支都真係幾肉赤, 不過真係好想飲嘛~ 我都講過九萬幾次, 唔明點解香港自己無yogurt drink出(我要純yogurt drink, 唔係果D溝咗士多啤梨味藍莓味果D!), 一定要去日式超市買貴貨, 或者要返大陸買所謂既酸奶先有得飲囉!!!
上一篇BLOG話我同流沙包去完阿一海景飯店飲茶之後, 我地就去咗海港城同人迫, 為既咪就係叮噹囉~ (SORRY我唔會叫多啦A夢囉)
去到真係人山人海囉, 我地求其攝位影咗幾張相就算lu~
影完相我地就去咗COVA買蛋糕, 因為9月16號係小花生日~~
上星期六去咗尖沙咀, 本來諗住去九龍酒店既龍逸軒飲茶, 但要等九個字先有位, 於是求其去咗iSQUARE, 又求其黎咗阿一海景飯店.
呢度既點心選擇好少, 我地叫咗五樣點心.
前菜小吃:
第一樣上既點心係菠蘿叉燒包, 裏面都仲keep到好熱:
XO醬腸粉, 呢個點心最差, 一早煎定晒, 上枱時只係暖暖地, 完全唔熱:
竹笙如意餃, 素餃, 味道一般:
蟹肉定唔知蝦肉芒果春卷, 我覺得有D腥腥地:
鮑魚酥, 六十幾蚊一隻, 我就覺得普普通通囉...:
食完點心, waiter會比另一個餐牌你問你要唔要甜品, 我地叫咗兩個甜品.
香蕉蓮蓉煎堆仔, 都幾好味:
杏仁茶:
最後埋單約$400, 用HSBC白金卡有九折.
某個星期三, 約咗歐洲團既幾個團友打邊爐.
我以為流沙包佢一手包辦啦, 點知佢星期二晚十點幾先send個Whatsapp黎叫我上網搵餐廳, 真係比佢激死!!
於是我上openrice求其搵咗間, 見食評幾好咁, 於是就book咗上品火鍋料理.
我當初上openrice無留意佢實際位置喺邊, 只知道係銅鑼灣, 點知原來咁鬼遠...
我覺得D食物都好一般啫, 又唔見得特別好食, 但就特別貴囉, 好記得我地叫咗個四寶丸, 真係得果四粒咁大把... 即係一粒丸要成十幾蚊?!!
我地五個人食, 其實唔係叫咗好多野, 埋單每人$190, 但我食唔飽囉...
9月2日(日), 為慶祝流沙包考到拯溺教練, 佢同咗一班拯溺會既阿SIR學生去咗流浮山食海鮮.
我地去既係海景海鮮酒家(好似因為識人喎), 我自己覺得一般啦, 一圍十二人, 埋單好似二千五左右.
好想問一句, 點解食海鮮既都一定會有一碟生炒骨/咕嚕肉既呢?
