一來我已經黎過, 好多地方我已經去過晒;
二來受當時既仆街公司影響, 無啦啦話摺, 打亂晒我D plan, 5月中去歐洲既時候我仲未搵到新工, 當時都驚唔知等幾耐先搵到新工, 所以去到歐洲都完全唔敢買野, 就算見到鍾意都忍手唔買. 我同流沙包兩個人, 去咗歐洲8日(頭尾兩日喺機上), 夾埋都駛唔夠HKD2,000;
三來有比較之下, 硬係覺得美麗華既行程安排麻麻地, 唔夠我之前跟勝景遊咁好;
四來成團人有四十幾人, 我真係唔多滿意...
另外我地完成旅程 比晒十天小費之後, 流沙包就問:"我地第十天其實已經喺機上面, 無領隊跟, 係自己返香港架喎, 點解我地要比埋第十天小費?", 又係喎, 點解呢? 有無去過呢類團既團友有過相同既疑問??
歐洲之旅, 我同流沙包只係買咗同拎咗以下咁多野, 屬於我既野只係左上既Miffy迷你盆栽同隔離既種子, 其他全部都係手信. 而我唯一買既手信, 亦只係右下既奧運紀念bookmark同另一set miffy迷你盆栽囉...
好在去完旅行返來無耐就搵到新工, 但由於我要考牌, 放棄做日本公司, 人工少咗一大截囉...
3 則留言:
今次旅行你真係伙乜心情得緊要,d嘢咁貴竟然只花了HK$2000
[版主回覆09/01/2012 17:28:29]係呀, 都無心情買, 又無銀兩買...
你算好喇,我有時唔買嘢喎....茅前呵.....哈哈
[版主回覆09/01/2012 17:28:08]我都無錢啦...
好耐冇嚟睇妳嘅blog，一口氣睇哂你哋西歐之旅。我2010年底都係join美麗華，個團同妳呢個大同小異啦，領隊叫Churic，好生鬼。所以今年六月又join美麗華嘅歐洲團，我哋四月度就去報，本來想去有少女峰嗰個團，臨到last minute先至話開唔成，但又比哂錢。最後被安排去另一個歐洲團，不過冇咗early bird deduction。唉，算啦，諗住照去，點知成團有40幾人，又有好多麻煩團友。後尾仲由團友口中得知，好多人都唔係join呢個團，不過被安排入伍，佢哋有發爛渣，所以平咗，計落比我哋少比幾千蚊。唉，可能我哋唔識bargain啦。下次再去歐洲，都係join Kuoni好d，起碼人哋都明碼實價丫。
[版主回覆01/04/2013 11:17:07]嘩, 差幾千蚊? 好過份喎... 如果唔係KUONI既團同我之前去既無咩分別, 其實我都想跟番KUONI架. 就算唔係, 都好似跟永安康泰呢D會好D??
發佈留言