2012年西歐六國十天之旅 -- Day 4 (part 2)

食完飯, 我地就出發去比薩斜塔, 呢個係自費行程, 每人要比EURO30.

要去比薩斜塔, 一定要坐呢D公共巴士喎:

落咗車, 要行一段路先見到比薩斜塔, 而沿途有好多賣手信既攤檔同舖頭, 可惜我地跟團黎, 無時間慢慢睇啦...

終於見到比薩斜塔啦, 呢度都幾鬼靚架喎~ 領隊話就算你肯比錢都上唔到斜塔架喎, 因為有人數限制, 而D鬼佬佢地係一早就黎排隊, 所以輪唔到你地上去架啦喎.

離開比薩斜塔, 我地就返酒店. 最最估唔到既係, 竟然喺公路上壞車... 我去咁多次旅行都係第一次遇上壞車. 搞咗成兩粒鐘, 終於有第二架巴士黎接我地, 明明應該八點可以返到酒店, 結果十點幾先返到去. (小插曲就係, 大家喺公路上呆等兩粒鐘, 生理方面需要解決的話, 咪要回歸大自然囉!!! 激死人啦!!)

今晚喺酒店食晚餐, 攰到食咩都無味啦...