2011年12月25日(日) -- 柬埔寨越南6天之旅: Day 3 part 1 吳哥皇城 南大門, 巴戎廟(高棉微笑), 十二生肖塔

第三日行程, 我地一朝早參觀吳哥皇城, 我地喺南大門入.

 

有D頭像係新修復既, 所以係白色的. 導遊話當地既佛頭有價有市, 所以好多已經比人偷晒, 而家大家見到既好多都係複製品了.

首先我地去咗睇巴戎廟既高棉微笑, 導遊話高棉係柬埔寨其中一個族裔, 而當時既皇帝亦係高棉族; 而廟裏面既佛頭個個都面露慈祥既笑容, 所以人稱"高棉微笑"喎. 巴戎廟共有49座佛塔, 象徵住柬埔寨當時既49個省. 真係好佩服當時既人既建築同雕刻技巧.

離開巴戎廟之後, 我地就行過去附近既十二生肖塔. 導遊話呢D塔係當時既人用黎改運, 如果你覺得果排運氣麻麻, 你可以去番自己所屬生肖既塔, 塔裏面會有巫師幫你改運喎...