新鮮熱辣@墨魚燒賣: 2011

2011年12月14日星期三

雪花秀 Sulwhasoo? 我一定唔會買你既產品囉!!!

我想講, 一個產品/牌子要成功, 除咗佢既產品質素, 價格定位, 市場推廣, 廣告攻勢之外, 班sell屎pro唔pro都係好緊要架囉!!!

我喺海港城返工, Harbour City Office Club間唔中都會send D e-mail黎, 話而家海港城某個牌子做緊promotion, 可以憑e-mail去拎D samples.

我呢D貪小便宜既OL, 當然會去拎呢D samples黎試吓啦~

但我想講, 我去得拎你D samples黎用, 係表示我願意花時間去了解你既產品, 而家係我比機會你, 而唔係我黎向你行乞呀!!

有D牌子既sell屎真係好好既, 好似之前去拎Clarins既samples咁, 個sales會解釋清楚個產品點樣用, 仲示範埋個手勢添.

有D牌子既sell屎, 就算無解釋隻產品點用, 都會至少講一句 “我地今次送番個XX修護晚霜比你試吓”.

最最唔掂既係雪花秀既sell屎, 不知所謂, 我都已經唔係食飯/放工果D勁多人既時間去, 果次我去到出示張e-mail話我想黎拎samples, 佢個sell屎就咁拎咗我張e-mail, 連“請等一等”都無一句; 然後轉個頭拎個sample埋黎, 就咁離遠”對”過黎比我, 完全無介紹無表情乜都無.

喂, 我而家唔係黎問你施捨呀!!! 就算我用完你雪花秀個sample, 覺得你隻產品係幾咁掂幾咁好用都好, 我都唔會去幫襯你囉!!!!

我唔該D公司, 真係想你旗吓產品大賣, 至少都訓練一下你自己D sell屎先啦.

2011年11月29日星期二

我個BLOG就黎發霉了...

我好耐無update過個blog啦, 就黎封晒塵了.

呢排真係好忙呀~ (忙係藉口囉, 主要係無心機去寫)

我黎緊12月要考日本語能力試驗1級呀, 基本上除咗返工之外, 最近呢幾個月我既生活都係:

星期一晚: 返學

星期二晚: 跳舞

星期三~五晚: 做facial, 跳舞, 通淋巴, 約人食飯etc.

星期六: 在家溫書 (其實九成時間都喺屋企hea緊)

星期日: 朝早返能力試對策班, 之後都係在家溫習 (即係繼續喺屋企hea)

講真我係無信心能力試會合格架, 我完全無用心去記… 唉…

考完個能力試我會多D時間update個blog架啦~~ 大家唔好離我而去啊~~~ 嗚~~~

2011年11月10日星期四

Dinner@BLT Burger

某日放工, 流沙包黎咗尖沙咀接我, 於是我地就近近地喺附近食飯. 果陣已經係9點, 見BLT Burger出面條人龍無上次咁長, 於是就決定等吓.

我地叫咗Combo#2 "BLT burger, fries, soda", 我加$25改咗做milkshake "Yin & Yang", 另外叫多個BBQ Nachos.

杯Milkshake真係好好飲呀!!:

個burger好好味, 好juicy, 正!!:

因為我明知自己一定食唔晒成個set, 所以只係叫咗一個飽, 另外叫個starter. 眼見其他人一人一個set, 好多都食唔晒食剩(尤其是D女仔), 真係好浪費囉... 我最憎食剩野架麻!!

心思思好想再去食, 不過真係好heavy...

果日仲去咗無印, 忍唔住買咗D零食:

2011年11月7日星期一

一大堆sample

AE卡間唔中會寄D書仔黎, 裏面有D係可以去拎護膚品既sample, 我呢D貪小便宜既當然唔會放過啦, 結果有一晚去咗銅鑼灣食飯, 順便一次過喺連卡佛同SOGO拎埋D sample番黎.

2011年10月27日星期四

無聊遊赤柱

國慶假期, 難得流沙包無野做喎, 於是可以一齊去街街.

流沙包早前買咗個新鏡頭, 於是我地去赤柱影吓相.

流沙包一路影, 一路讚個新鏡頭影出黎D景有幾wide有幾靚, 我話"得啦, 你唔駛專登講呢D野比我聽, 令我覺得你買呢個新鏡頭係幾咁值架喎~"

赤柱大家都去唔少啦, 無咩特別野值得講, 淨係post相算lu.

2011年10月24日星期一

下午食完個不知所謂既lunch, 夜晚就去咗食日式放題.

今次呢個係$155"和光日本料理"任食日式網燒放題2小時, 加送海鮮拼盤(原價$278).

http://hk.deals.yahoo.com/hong-kong/offer/1215

呢度既食物種類都算幾多, 質素亦都唔錯, 不過狂食肉真係幾辛苦, 食完呢餐, 黎緊真係要食得清淡D呀!

另外, 埋單果陣要比加一服務費. 同埋相對於佢原價$208黎講, 呢個團購真正只係得75折, 並唔係佢所講有44% OFF咁多囉, 佢個計法有取巧.

2011年10月21日星期五

團購消費日(上集) -- Pancake Colours三道菜午餐, 不知所謂!!

之前喺Yahoo團購買咗一個lunch, 一個dinner, 好巧合地我喺同一日用晒呢兩個團購.

第一個係$28 Pancake Colours三道菜午餐(原價$88) 餐湯+主菜+乳酪雪糕+飲品三道菜完美午餐.

http://hk.deals.yahoo.com/hong-kong/offer/1563

呢間餐廳真係不知所謂! 我忍唔住要喺度彈到佢飛起.

首先, 我地一上到去, reception無人喺度, 無人招呼, 都算. 問題係我地周圍搵人, D侍應唔知去晒邊囉... 同埋一上到去個感覺已經好差, 環境肉酸, 空氣漂浮住一陣"up"味, 佢果D所謂既型格designer chair, 已經爛溶溶囉... 感覺好唔衞生.

然後D侍應個個好似遊云咁, 我地落晒單, 奇怪佢點解唔問我地要咩乳酪雪糕就行咗去. 於是我主動問要唔要揀埋乳酪雪糕, 佢先至話雪糕漿未返, 改咗做布甸. 吓? 你一早又唔講? 乳酪雪糕變咗布甸, 已經貨不對版啦(最激氣係佢個布甸勁難食, 都唔知乜黎架, 下文再講).

今次呢個午餐, 係包括:
-餐湯一客
-主菜一份(任選一款價值$47或以下的扒類, 薄餅, 意粉或飯麵類)
-飲品一杯(冷熱均可)
-乳酪軟雪糕一杯

我地只係三個人, 一個要綠茶, 兩個要麥茶, 都唔係太複雜啫, 但都落錯單, 黎咗三杯綠茶.

然後我同事問侍應攞刀, 又係一去無回頭囉...

我地已經唔係十二點半/一點果段繁忙時間去, 我地上到去時 D客已經唔多, D侍應都可以咁既款, 好難想像繁忙時間果陣佢地係點招呼D客.

我地幾個同事食完, 超唔滿意呢一餐. 同事A話:"算啦, 呢餐只係$28, 都唔會期望咁高".

但同事B就話"佢個marketing咪就係唔掂囉! 你搵得團購合作, 都係想做好間餐廳, 等D人可以再返黎食啫. 你要D人肯返黎再幫襯, 唔係話你團購價$28, 你只係比到$28既野出黎; 而係你原價係$88的話, 你要比人覺得就算比番$88正價黎食都抵, 所以你比出黎既野應該要over $88才是嘛(呢餐飯原價話係$88, 但我覺得根本唔值$88囉!! $48都比多佢. $88我喺尖沙咀可以大把選擇, 食得更好啦!)."

我就話"咪係囉, 你質素咁差就咪鬼搞團購啦. 你唔整團購, 我唔會知你間野咁差咁唔掂, 唔會去批評你; 而家我試過一次啦, 你即係比機會我喺blog勁彈兼周圍同人講唔好黎食啫, 係咪仲適得其反呀?"

可能你睇完會鬧我, 駛唔駛咁呀? 好又一餐唔好又一餐啫, 唔駛鬧到咁盡呀? 但我寫blog就係想抒發意見, 好食既我會勁讚; 難食既我會勁彈, 就係咁簡單.

上到去佢話得番紅湯喎... 碗湯唔好飲, 而且完全唔熱, 只係微溫, 我最憎食D唔夠熱既野!:

呢個係我叫既咖喱軟殼蟹炒飯, 味道唔錯, 但又係唔熱架囉... 我唔介意你一早整定, 但唔該你保持好D個熱度呀~!:

同事既紅酒燴牛尾飯, 兩位同事不約而同都無食個西蘭花, 因為佢地話覺得無洗過喎:

呢個唔知乜鬼布甸, 硬掘掘, 完全唔係布甸個質感, 我覺得似大菜糕多D; 同埋個味道勁難食, 完全食唔出係乜野味, 不知所謂!!:

2011年10月18日星期二

機場半天遊

中秋節假期, 我同流沙包去咗機場.

我地當然唔係去旅行啦, 只係去機場行吓.

當日我地主要喺terminal 2, 去之前上過機場網頁睇, 見到佢話terminal 2有航空探知館, 星光無間, 挑戰擂台等等, 好似好吸引.

點知... 令人失望囉...

先講挑戰擂台, 即係類似電視節目果D, 用足球/棒球打九宮格. 另外仲有一D out晒既街機囉...

再講星光無間, 要廿蚊入場費, 入去打個白鴿轉, 完全無野睇架囉!! 雖然話果廿蚊入場費可以喺場內當現金消費, 但無乜野你喺買得落手... 奉勸大家唔好嘥錢嘥時間入去.