腐竹蛋糖水

天氣乾燥, 食碗腐竹蛋糖水滋潤吓都唔錯架~

資料來源: 頭條日報May's Kitchen+自己改良

材料:
1.乾腐竹
2.薏米
3.蓮子
4.冰糖 50克
5.梳打粉2茶匙
6.水6杯
7.雞蛋隨意



步驟:
1.將腐竹放進已加入梳打粉的凍水中, 浸30分鐘後用水沖洗, 瀝乾備用

2.將腐竹剪細塊, 連同6杯水用大火滾30分鐘

3.加入蓮子及薏米, 再轉中火煲1小時至奶白色, 要看上去像糊仔般幼滑, 才有很creamy很細滑的口感
4.加入冰糖及雞蛋(及白果), 雞蛋煮熟後撈起, 剥殼後放回煲內, 糖水煲至冰糖完全溶化, 即可食用

九龍城食海鮮

3月2日, 我同流沙包同佢D朋友一齊去咗九龍城食海鮮.

我就覺得唔係特別好食, 不過價錢就真係唔算貴囉~

其實我呢D新界妹, 食海鮮可以去屯門三聖/流浮山, 如果無人車的話, 我真係未必會山長水遠出九龍城食海鮮呢~~

迪士尼, 真係另一個世界黎架

2月16日, 因為有免費飛, 所以我同流沙包去咗迪士尼玩.

香港迪士尼其實我唔覺得好玩, 如果要比錢入場我一定唔會去.

香港迪士尼真係另一個世界黎架, 唔係童話世界呀, 而係充滿打尖插隊攝位橫衝直撞隨地小便自私無禮講野大聲嘈圈巴閉既蠻夷自由行世界呀!!!

我都唔明D大陸人, 明明大家都順序排緊隊, D仆街大陸哩可以攝吓又前D, 攝吓又行前D, 扮X晒野咁, 明明本來係排喺我地後面, 無幾耐就會變咗喺我地前面. 

有一次, 明明下個係輪到我地, 排喺我地後面果兩條PK大陸仔無啦啦衝上黎打尖, 自己坐咗上架遊戲車, 佢老豆老母梗係唔理啦, 照打尖埋一份添啦. 呢D大陸人, 真係窮得只剩下錢, 完全無文化無家教無修養架囉!

全日我見到有外國人喺度話D大陸人唔好攝位, 有香港人爆晒粗鬧班大陸哩唔好再痴咁埋... 唉, 人地外國人唔知, 以為果班未開發既蠻夷係香港人就弊喇!!! 簡直係影衰晒我地!!!

 

第一次情人節收花~~

今年既情人節, 流沙包竟然送左紮花比我.

我地由拍拖到結婚, 今次係佢第二次送花比我呀~

由於今年既情人節仲係我既舊曆生日+考車牌大日子, 所以流沙包佢就送咗紮花比我啦~~ 因為無估到佢會送花, 所以我係shock多過surprise架, 哈哈~~

可惜我考牌肥咗, 否則就三喜臨門啦~~

又要比多三千幾蚊考過, 肉痛死人啦!!!

維園年宵

2月8日, 我去咗行大運.

果朝早先去咗中環睇醫生, 然後返入元朗學車, 學完車又即刻搭車出銅鑼灣行維園年宵.

平時我行年宵都好少會買D乜, 但今年竟然買咗個氫氣球, 因為佢真係好得意呀~ 我其實都幾鍾意八爪魚公仔架~~

個波波原來都頂到一個月架喎~~ 初初以為幾日後佢就會浮唔起添~

生日飯

2月頭, 食咗餐生日飯.

唔好問我喺邊度黎, 我唔會講, 哈哈~~

大食會

1月尾, 我跟流沙包去咗位於馬會果頭既香港義勇軍Club House, join佢地既中大同學大食會.

大部份食物都係我地自己買上去或者叫外賣.

 

下面呢D係場地供應既.

當晚開咗十幾支酒, 有紅有白有香檳, 勁!

美心蛋糕only, 唔係幾好食, 當然啦都唔係Ms B既rainbow connection...