2012年6月29日(五), 公司週年紀念晚宴, 地點係沙田凱悅酒店既Cafe Hyatt.
果晚係三號風球(當晚十點幾掛埋八號風球添), 可能因為咁既原因, 所以星期五晚都唔係好多人.
食物方面我覺得就削咗少少囉, 海鮮方面無生蠔, 得翡翠螺, 蝦, 蟹腳之類. 不過壽司就幾好食.
甜品就最弱, 無咩款, 又唔夠吸引.
總言之如果係我自己比錢黎, 我一定唔會再揀呢度食.
今晚既大奬係Samsung既SIII, 我當然抽唔中啦, 我抽中呢樣野, 旅行叉電器同埋旅行用router, 暫時得物無所用:
晚宴十點幾結束, 天文台話將會掛八號風球, 我就即刻call的士返屋企, 淨係的士錢都搭咗百七蚊囉...
某個週末, 同流沙包去咗太古, 目的地係聖瑪弟亞之旅展覽館(懷舊生活館).
http://travel.sina.com.hk/news/14/2/1/166335/1.html
呢個懷舊生活館, 我當初係喺三色台既"開館有益"其中一集得知的. 我一向都鍾意舊野, 所以好想黎呢度睇吓, 果然勾起好多童年回憶.
展館位於工廠大廈內, 上到去係一間賣宗教物品既舖頭, 如果要入去展館, 就每人比四十蚊入場費, 工作人員就會帶你入展館參觀.
成個展覽館唔係好大, 但係如果每樣展品都細心睇吓, 都可以消磨一兩個小時.
一入展覽, 先展出舊時既玩具, 有D玩具我記得細細個都曾經擁有過架~~
我最鍾意係文具呢part, 睇到我唔捨得走. 我記得我有用過呢類少女筆盒, 我記得我果陣個筆盒仲有幾個按鈕可以撳, 一撳就會有唔同既野彈出, 好型架~~ 同埋我都有玩過相中既吸印仔呀~~ 亦都有我既摯愛Keroppi~
大家估吓呢個係咩黎?:
唔好睇佢外表只係一個普通公事喼, 打開原來係一部手提電腦黎架, 係八十年代既出品, 勁呀!:
離開展覽館, 我地就去咗附近東隅既Feast high tea, 一個2人份既set都唔駛$200, 又OK喎.
離開威尼斯, 下一站我地黎到米蘭.
多奧莫大教堂:
艾曼紐拱廊:
米蘭係有好多名牌, 但係當時即將失業既我, 根本無打算買任何野囉... 更何況我都唔係追求名牌既人. (上次黎歐洲求其買咗個Gucci袋, 結果我買咗返香港之後放咗入櫃兩年都未用過, 過咗兩年先拎出黎用吓.)
雖然我無打算買啫, 但阿媽想買吖嘛. 阿媽去到LV, 本來想買個袋, 但係呢間LV既SELL屎全部都好PK囉, 本來如果買果個係我, 我就一定轉身走架啦, 你估你LV真係好X巴閉呀?!! 但係因為阿媽想買, 所以我即使幾谷氣都要幫阿媽問, 詳情我就唔講啦, 總之就係一肚氣, 最後亦咩都買唔到!!! (好彩阿媽之後去到法國LV買到啫!!!)
今晚既晚餐, 我地去到一間台灣餐廳, 我地四十幾人, 餐館只係安排咗室外一個AREA比我地坐, 3張四方形大枱坐得勁迫, 同埋要背脊貼背脊咁坐. 根本上坐低晒之後D waiters係行唔到入黎, 吓吓都要流沙包企喺身讓路, 所以佢索性企埋一邊食就算... 真係不知所謂既安排!
