我同流沙包話買車買車, 由我地結婚前講到結婚後, 一直都係講完就算, 到而家為止都未實行.
今年決定認真考慮買車, 由於我好鍾意D外型cutie細細架好似玩具車/積木車咁既車款, 所以之前有諗過買Mini Cooper.
不過有朋友話Mini Cooper個seat位好低, 會坐得好辛苦喎…
而咁啱有朋友揸緊Smart Fortwo, 佢(女仔)對呢架車既評價唔錯, 而我上過佢架車睇過, 又真係好得意, 啱晒我心水, 所以就諗住買Smart Fortwo.
但係有其他friends聽到我話想買Smart, 就話呢款車唔係咁好, 跟住我上網睇吓人點講, 有D人既意見就話女仔揸會好辛苦 / 唔上得高速, 會好飄 / 上斜無力 / 會比的士佬或者大車蝦 / 零件比日本車仔貴 / 冷氣易壞 / 引擎好嘈 / 車身短如果撞起上黎會渣都無實死無生…
搞到我都唔知點好, 我無車牌, 又無坐開人地D咩野車款, 我對車完全係一竅不通, 都唔知點揀好… 大家有無咩意見比到我? 我既要求如下:
-要兩座位, 車外型得得意意, 好似玩具車仔咁
-唔會成日揸, 只係諗住得閒放假可以揸架車出去玩吓
-Budget 5, 6萬左右(二手車, 無諗過買新車)
-慳油
以上條件, 大家覺得我買番Smart Fortwo好, 定有無其他車款推介比我?
7 則留言:
U拿左正式既車牌先至講買車都吾遅lah, 識開車後、対車既要求想法就会同現在吾同架lah!
U現在既着眼点浄係個CUTE字、対車既安全性、基本性能都無留意到、草草決定買左一定会後悔架！ 響日本Mercedes出名parts容易壊、冷気吾得etc。。 Smart,我８年前坐過、送銭比我都吾会買！
[倭国団長回覆05/10/2012 11:42:05]Hello, U買左新車未亞？
[Siuwen 小雲回覆05/10/2012 04:43:44]＂方向感既強弱同考車牌係無関係既。＂ ＜－－－
[倭国団長回覆05/01/2012 12:47:54]我到現在自問方向感都吾係好、不過我幾年前都考到牌lah..証明左方向感既強弱同考車牌係無関係既。 HK考牌又平又簡単、U都係快ｄ去考番個牌lah.
[版主回覆04/24/2012 12:29:41]我呢D方向白痴, 都唔知幾時先成功考到車牌... 我係諗住流沙包揸住先架咋...
梗係唔好喇,有咗小朋友又唔坐得,到時唔知點算啊,係咪.......
[版主回覆04/24/2012 12:28:28]我都唔打算生, 唔會有小朋友.
買架車來裝飾, smart4two一流
[版主回覆04/24/2012 12:27:55]我真係好鍾意佢個外型呀...
hi 墨魚, 好奈無呢 探你啦..
總之2個座位就好架 啦, 可以 避免 左晤通氣 朋友成 日想 座 順風車 ma.
[版主回覆04/24/2012 12:25:28]哈哈, 都係架, 有時車得呢個又車唔到果個, 2座位就唔駛怕得罪人.
倭国団長講得好岩呀~ 你有車牌,會揸車,同淨係坐既要求好唔同架~
仲有...smart fortwo 5, 6萬買到咩? ...歐洲車既parts點都會貴過日本車, 所以你買得歐洲車都要預左...
我都諗緊買咩車, 不過我唔係香港, 所以都俾唔到太多意見, 只係買車同買樓一樣都係諗得長遠少少好D, 依家唔要小朋友, 係唔係黎緊3-5年都唔要? 樓價會升會落, 但車一買就depreciate左成半...
我想要2門車架, 都唔係話要2住位tim, 都俾我老公話我咁第日個B坐邊?! 放baby car seat上車又會唔會方便自己? 會唔會好辛苦?
所以細車, (主要係車輕所以上highway會冇咁定, 再加上有大車係即邊經過都要小心...smart因為車細又高身, 所以會好似好易反咁(我係我D到見過...=.= 佢係十字路口自己反左係到...唔知係唔係有其他車撞佢, 不過佢好完整架, 只係即身訓左係到之MA)
你不如周圍睇下車, 坐下上去...最後你都要試下車先好決定...
[版主回覆04/24/2012 12:21:51]多謝你既意見~~
等我考到車牌先買的話, 我驚呢一世都唔駛旨意買到車...
5, 6萬我係指二手車呀, 我唔會買新車啦~~
同埋我從來都無諗住生, 根本唔會有小朋友, 唔需要考慮呢個問題.
2座位, 即係"冇朋友"車款?, 2座位真係好Q唔好駛. 提議JAZZ 舊車, 車細慳油. 另一款ECHO VERSO , 啱女仔揸, 窗大易睇位. 但呢款可能車齡有十年. 你去look look.
[版主回覆05/27/2012 22:34:14]哈係呀, 我本身無咩朋友架嘛, 哈哈~~ 2座位夠啦~
另外多謝你既意見~~~ thanks~~
D人既意見就話女仔揸會好辛苦﹣﹣＞冇電軚，轉親彎都好重， 賣有電軚，車慢軚輕，泊車易扭， 車快軚重， 高速車定。
唔上得高速, 會好飄﹣﹣＞賣451 （07年後） 絕對OK， 行110大欖絕無問題。
上斜無力﹣﹣＞拖低一波，一般斜路絕無問題。
會比的士佬或者大車蝦 ﹣﹣＞佢地乜車都蝦.....唔關車細事。
零件比日本車仔貴﹣﹣＞而家日本車零件不一定平.
2005年有雜誌計算，SmartFortwo 的Maintenance COST 係最少. 日本車係半年／5000KM要換engine oil, SMART 係2年或者15000KM
冷氣易壞﹣﹣＞未知， 因為架車仲好新
引擎好嘈﹣﹣＞呢個係必然的， 因為引擊係車箱入面，有人LIKE， 有人相反。同D車裝保響喉一樣。
車身短如果撞起上黎會渣都無實死無生…﹣﹣＞Smart 個 flame 好硬。不見得實死無生。你又睇下咩人咩車撞會死傷多D？ 實死無生要睇下揸果個的駕駛態度，而唔係架車。
[版主回覆05/27/2012 22:38:21]多謝你既意見, 好詳細~ 我會同流沙包再研究吓~~ thanks~~
發佈留言