公司無聊相

自從返咗新工之後, 日日都忙到死, 呢幾個禮拜更加晚晚OT到九點幾十點咁濟.

今日係我地公司既戰略會議, 全球既office都會有人黎香港開會, 我地book咗Sheraton Hotel用黎開會, 而下個星期成班人就會過晒澳門出席G2E. 事前我同admin同事就為咗準備佢地既會議而日日做到無停手. (好彩我同admin同事唔駛出席呢D悶會, 只係負責做準備工作)

下星期公司全部人過晒澳門, 得番我, admin同事, 同埋兩個無野做但都要返黎公司坐既司機喺office, 諗起都覺得爽. 但我唔期望可以準時收工囉... 因為之前為咗準備佢地開會既野, 我都唔係做緊會計既工作, 而家我手頭上既會計工作堆積如山, 希望下星期可以一次過清晒佢.

無無聊聊post吓D公司相先~

我公司的雪櫃:

係呀, 我公司D日本人好"矜貴"架, 明明有部屈臣氏水機係度, 但D日本人係睇唔到架, 只會飲法國礦泉水或者係日本進口既茶架咋. 法國礦泉水每支$12.5; 日本茶350ml $15.5. 每個月淨係買水買茶都買千幾二千銀囉... 如果大家飲開呢隻伊藤園黃金桂烏龍茶, 近排發覺尖沙咀City Super成日斷貨, 我同大家講聲唔好意思, 因為我地訂貨訂到連其他分店既貨都要埋囉...

保濕tissue:

某日同事話想試吓買呢款摸落去質感係濕濕地既紙巾喎... 盛惠$28一盒.

大老闆的新玩具:

70歳既大老闆, 唔知佢除了識開機關機外, 仲會識咩function呢...?

新益力多:

幾星期前, 返工行過新港中心時見到有得派, 咪排隊拎囉. 我覺得味道同普通紅色包裝既無分別. 喺街買要$9.9 3支又真係太貴啦, 我唔會買囉...

菓子:

切腹?? 感覺唔多好喎...